- Parlamentario Ryçond Santos Do Nascimento ta invitado den Noticiacla LIVE awe nochi
- Otmar Oduber: Testigo principal pa defensa den caso Flamingo no por declara dilanti Huez Comisario
- Gobierno y CAFT ta den proceso pa reemplaza actual miembro pa Aruba ora su termino vence
- Oduber: Maneho nobo pa haya permiso pa hotel; Ta permiti solamente Boutique hotels!
- AZV: Contracto cu dentista Mayra Rosales ta termina
Biyonario Richard Branson cu concierto na frontera di Venezuela
NEW YORK – E biyonario fundador di e aeroliña Virgin Atlantic Sir Richard Branson ta planeando un concierto na frontera di Venezuela, pa pone presion pa gobierno di presidente Nicolas Maduro laga ayudo humanitario drenta. Den un video clip, e biyonario ta bisa cu e ta organisando un alineacion grandi di artista internacional pa presenta, aunke no a bisa ken e artistanan ta. E concierto ta poni pa tuma lugar dia 22 di februari, un dia prome cu e fecha cu a pone pa e ayudo humanitario cuminsa drenta Venezuela segun e presidente apunta Juan Guaidó. E oficina di Branson a confirma cu e video ta legitimo y cu Branson lo comparti mas riba e tema pronto. “Nos meta ta pa genera 100 miyon dollar den 60 dia y pa habri e frontera di Venezuela pa ayudo humantario por drenta y yega e miyones cu tin mester di dje mas urgente”, Branson a finalisa bisando.
Inteligencia Hulandes investigando politica Venezolano cu bista riba islanan ABC
DEN HAAG - Agencianan di inteligencia Hulandes, e inteligencia militar y seguridad (MIVD), y e servicio general di inteligencia y seguridad (AIVD) a uni forza pa investiga e panorama politico y militar Venezolano. Nan enfoke ta extende pa implicacionan pa Reino Hulandes cu atencion particular na e paisnan Aruba, Corsou y Bonaire. Entre e investigacionan aki, tin e regimen di Maduro pa solidifica su poder y stragecia pa e proximo eleccion na juli di e aña aki. Tambe tin e situacion fronteriso cu pais bisiña Guyana esta Essequibo. Internamente ta bisa cu e regimen militar ta marginalisa, y cu e oposicion ta bringando otro tambe. Ta mustra segun e investigacion inicial cu e regimen no ta mucho habri pa consesion pa eleccion honesto.
Baby di 15 luna na Italia a wordo mordi y mata pa dos pitbull
SALERNO – Dos pitbull a morde y mata n baby di 15 luna na Italia recientemente. E incidente a sosode den Salerno, un pueblo den sur di Italia. E mucha di e baby a keda herida durante e atake. E baby tabata den brasa di e tio, ora cu e cachonan a ranca e baby for di e brasa. E mama a purba rescata e baby, y a keda herida den e intento ey. E pitbulnan tabata di un famia cu ta biba den e mesun bario. Den un otro relato separa, dos luna pasa, un hoben di 15 aña, tambe na Italia, a wordo mata door di tres rottweilers. E cachonan a scapa di un cura den Manziana na Roma. E curpa a wordo haya door di un peaton den un parke. Den ambos caso, no tin informacion di kico precies a conduci na e atake di e cachonan aki.
Tin hopi incertidumbre riba supuesto atake di Israël riba Iran marduga
TEHERAN – Mientras cu tin informacion cu Israël a ataca Iran durante diabierna marduga, tur dos pais ta keto riba e atake aki. Iran ta bisa cu e la saca algun drone di Israël for di shelo, pero ta desmenti cu tabatin un atake di raket. Algo cu prensa Mericano si ta raporta. Iran no ta yama Israël como e culpable tampoco, dus tin hopi incertidumbre riba e atake aki. Recientemente Iran a haci un atake specifico y calcula riba Israël, y despues Israël a keda keto. Esaki ta un noticia den proceso.
Cantidad grandi di Dominicano bibando illegal na.Aruba a bolbe nan pais boluntariamente
ORANJESTAD/SANTO DOMINGO – Un cantidad grandi di Dominicano bibando ‘ilegamente’ na Aruba, a bolbe nan pais boluntariamente. Asina e portal El Nacional a raporta diamars. Na tur, ta trata di mas di 4.300 dominicano cu tabata residencia e.o. na Aruba, cu a bolbe nan pais bek den e ultimo 15 lunanan. E portal ta cita datonan ‘estadistica’ obteni di e aeropuerto di Las Americas. Fuera di Aruba, nan tabata ubica na e.o. Panamaá, Venezuela, Colombia, Mexico, Argentina, Chile, Honduras, Corsou, Spaña, Francia, Italia y Alemania. “Mas di 60% di e Dominicanonan aki ta muhernan”, e portal ta sigui bisa. E Dominicanonan cu a bolbe tabata haci trabou domestico, restaurant, beautysalon, y den centronan nocturno. “Nan tabata biba ilegalmente, soportando e persecucion di autoridad”. E hombernan tabata traha den agricultura, construccion, panaderia y otro tipo di negoshi”. Hopi di nan tabata biba entre 5 pa 6 aña bibando illegal, y a dicidi di bolbe boluntariamente. Pa nan por a bolbe, mester a haya sosten economico di nan famia na Republica Dominicano, y incluso e consuladonan cu ta representa e crioyonan na e paisnan aki” e portal ta sigui bisa. Un dato interesante ta bisa cu mas di 200 Dominicano a bolbe e aki caba (2024) y mayoria tabata di Panama, Venezuela y Corsou. NOTA: Noticiacla independientemente no por a verifica e informacion aki adkeri di e portal en cuestion.
Maduro: Venezuela ta sigui cu of sin licensia Mericano pa alivia sancion petrolero
CARACAS – Presidente Venezolano Nicolas Maduro a sigura dialuna cu Venezuela ta sigui su marcha economico cu of sin licensia Mericano cu ta aproba un alivio di sanccion riba e petroleo Venezolano. Dialuna gobierno Mericano a dicidi cu no ta extende e validez di e alivio cu ta vence diahuebs awor. “Nos ta sigui, cu of sin licencia, nos no t aun colonia Mericano. Nada lo para nos, señores Mericano” e presidente a bisa. Segun Maduro, presidente Mericano Biden ta sigui chantagea cu menasa cu e ta bay kita e licensia cu e la permiti na Caracas pa comercialisa sin problema, e crudo den e ultimo 6 luna.
Flambeu olumpico ta cendi!:E marcha largo pa Paris a cuminsa!
OLIMPIA – E flambeu olimpico pa e proximo weganan na Paris den zomer, a wordo cendi. Esaki a sosode diamars mainta di forma tradicional den e ciudad bieu Olympia na Grecia, unda cu 776 prome cu Cristo, e prome weganan olimpico a tuma lugar. Durante e ultimo edicion, no tabatin publico debi na e menasa di Covid. E biaha aki esey tabata diferente.
Follow NoticiaCla
