Aruba no ta busca maestronan for di Hulanda mas

ORANJESTAD – Aruba ta bay percura pa su mesun maestronan pa resolve e problema di escases. “HUlanda mes tin un problema grandi di escases, pues ey nos no ta bay busca nan mas”. Asina Minister di Enseñansa Rudy Lampe a bisa durante un conferencia di prensa diahuebs, segun raportahe di partner di noticia Caribisch Netwerk.  

Segun e portal, recientemente e Ministernan di Enseñansa di Hulanda, Aruba, Corsou y St Maarten a bin hunto den un asina yama ‘vierlandenoverleg’. Durante e reunion aki a cera varios protocol mas. Un di nan tin di haber cu cambio riba e kleuterschool proximo aña escolar unda cu lo duna les na Papiamento envez di Hulandes.  

Eventualmente Aruba lo introduci esaki tambe riba scolnan basico, segun e mandatario. Hulandes ta bira e ora solamente un materia di idioma stranhero. Corsou ta adelanta riba e tema aki caba, y como tal ta bin mas cooperacion entre e islanan.  

“Pa enseñansa secundario nos a palabra cu e otro islanan(pais) sip or haci e examenan final na ingles’. Cu esey e mandatario kier acopla na e desaroyo cu mas y mas universidadnan, tambe na Hulanda, ta duna les na ingles.  “Bo ta mira cu e language di educacion mundial, cu tabata antes latin, ta bira ingles”. Esaki kier men cu despues alumnonan riba scolnan secundario por haya les na ingles, segun Lampe. 

Fuente: Caribisch Netwerk. Autor Sharina Henriquez.