Parlamento Venezolano opositor a apunta directiva ‘nobo’ pa PDVSA

CARACAS (Reuters) – Parlamento Venezolano, controla pa oposicion, a apunta miembronan temporario di directive di PDVSA diaranson. Esaki den un intento pa kita forza y poder di e presidente Maduro riba e parti financiero. Aunke varios pais a reconoce  Guaidó como e hefe di estado official di e pais, Maduro ta keda na poder di e institutonan federal, y Guaidó mester di fondo pa por structura un gobierno interino. Fuentenan di NoticiaCla sinembargo ta sigura cu e pasonan aki, esta e nombramentonan aki no tin ningun legitimidad. 

Pensamento pa por controla PDVSA, cu ta inclui Citgo Petroleum, lo por yuda fortifica e poder di Guaidó. Pero tumando control di PDVSA mes ta parse hopi improbable, cu Maduro na poder ainda.  E nombernan proponi pa directiva di CITGO, ta Venezolanonan Luisa Palacios, Angel Olmeta, Luis Urdaneta y Edgar Rincon, tur actual bibando na Merca. Ademas lo apunta un director Mericano. E nominacionan aki ta alimenta un duelo pa control entre Guaidó y Maduro, cu a priminti cu e lo no permiti pa hende ‘horta’ Citgo. No ta conoci con e mechanism di e directiva nobo por funciona, y lo tin retonan legal cu lo bringa pa e poder.  Fuente Reuters.