Delegacion di PAHO/WHO Trinidad & Tobago a reuni cu DVG

Posted on 02/12/2019 5:24 pm AST | Updated on 02/12/2019 5:25 pm AST

ORANJESTAD - Departamento di Salud Publico recientemente a ricibi bishita di un delegacion basta grandi consistiendo di Dr. Wheeler, cu ta representante di PAHO/WHO, Dr. Malcolm cu ta consehero di PAHO riba tereno di Non Communicable Diseases, Mr. Jean Claude Paraison y Ms. Nicola Taylor kende ta Program Management Specialist di Aruba, Curacao, Sint Maarten, Bonaire, Sint Eustatius y Saba. 

Den colaboracion y bou guia di e delegacion a ehecuta un ehercicio cu ta ser jama un “Hanlon prioritization”  hunto cu hefenan di diferente servicionan y esnan encarga cu maneho di salubridad publico. E ehejercicio di Hanlon ta un methodologia scientificamente prueba y uza door paisnan miembro di PAHO pa por identifica puntonan di prioridad riba tereno di salubridad. E puntonan di prioridad cu a sali di e ehercicio lo wordo encorpora den e plan strategico di “PAHO 2020-2025”. Tambe e lista di prioridad aki lo forma e base pa fiha maneho riba termino korto pa desaroya e “Biennial Work Plan 2020-2021” entre PAHO y Departamento di Salud Publico di Aruba.   

Mirando e posibel peligernan pa cu salubridad den nos region. PAHO su experciencia y conocimento di e necesidadnan regional ta importante. E contacto directo entre PAHO cu expertonan di Departamento di Salud Publico ta esencial pa asina hunto sigui mehora e sistema di salud na Aruba y ta crea synergia entre instancianan di Salud den region. 

 

 

 

  • E trabounan pa studia e subsuelo na Sero Colorado a inicia

    E trabounan pa studia e subsuelo na Sero Colorado a inicia

    ORANJESTAD -  E trabounan pa loke ta e ‘grondonderzoek’ pa e proyecto di hotel na Sero Colorado ta tumando luga. Asina Minister di Medio Ambiente y Infrastructura, Otmar Oduber, a informa diabierna. Segun e mandatario, e investigacionnan aki ta e rekisito- y condicionnan cu Gobierno a pone caminda a bisa cu mester tene cuenta cu e tunnelnan di awa (mirando cu no tin ningun otro cueba natural na e sitio y tampoco mina di fosfaat). Ta trata di e tunnelnan di awa, cu a traha den e periodo di Lago. Mester enfatisa cu lo conserva e tunnelnan y nan lo keda publico tambe. 

  • Douaneronan a protesta awe mainta pa asunto di salario

    Douaneronan a protesta awe mainta pa asunto di salario

    ORANJESTAD - Douaneronan a bay den protesta diabierna mainta, reuniendo na oficina principal na Budlex Building. Esaki en coneccion cu e salarisstructuur cu mester a drenta na vigor 1 di januari 2018. Despues di a reuni na e oficina, a mobilisa pa Bestuurskantoor. Keda pendiente pa mas informacion. 

  • Atencion Food lovers! Ling & Sons Food Show 2019 ta na caminda

    Atencion Food lovers! Ling & Sons Food Show 2019 ta na caminda

    (ADVERTORIAL)

  • Prome Minister Wever a presidi reunion di preparacion pa Horcan

    Prome Minister Wever a presidi reunion di preparacion pa Horcan

    ORANJESTAD – Prome Minister di Aruba, Evelyn Wever Croes, a presidi e reunion pa preparacion contra calamidad diaranson. Ta trata di e entrenamento di Hurex 2019, preparacion pa Horcan. Nos ta den pleno temporada di horcan y augustus y september ta e lunanan crucial pa un horcan. Segun Wever, Aruba ta preparando pa cualkier eventualidad den temporada di horcan.”Ta bon prepara ta e mihor manera pa recupera despues di un disaster,” e mandatario a bisa durante e reunion. Tur e stakeholdernan importante tabata presente, manera; polis, bombero, warda costa, marinierkazerne, departamento di turismo y mas. 

  • Sonja Velthuizen ta anuncia retiro oficial como directora di KvK

    Sonja Velthuizen ta anuncia retiro oficial como directora di KvK

    ORANJESTAD – Camara di Comercio y Industria Aruba (KvK) a informa oficialmente diaranson pa medio di un comunicado, cu su directora sra. Sonja Velthuizen a tuma su retiro algun siman atras. E motibo ta pa rason personal. Sra. Velthuizen a dicidi cu despues di 8 aña na KvK, di cua e ultimo 4 añanan el a funciona como directora di KvK, e ta bay pa un reto nobo. Sra. Velthuizen a informa KvK di su decision cu basta luna di aviso, pa KvK por tin tempo pa apunta un director nobo.

  • Martijn Balkestein ta bira director nobo di KVK

    Martijn Balkestein ta bira director nobo di KVK

    ORANJESTAD  - Pa trece claridad riba ken lo bay asumi e puesto cu sra. Velthuizen ta lagando habri, KvK ta informa, cu esaki lo ta den persona di sr. Martijn Balkestein. Sr. Balkestein ta un persona cu ta conoci pa su carera largo den ramo di economia y estadistica, cu a eherce cu profesionalismo y integridad. Den pasado el a fungi como director di CBS y tin conocemento amplio riba e tereno di economia y analisis di data.  Esaki ta importante, mirando cu KvK lo kier trece mas informacion dilanti, a base di analisis di e datonan di registro y e mercado.

  • BTA
  • bigger better crystal
  • Powered by SETAR