El Chapo haya culpable di traficacion di droga na Merca

El Chapo haya culpable di traficacion di droga na Merca

Posted on 02/12/2019 3:48 pm AST | Updated on 02/12/2019 3:48 pm AST

NEW YORK – E cabo di droga Joaquin ‘El Chapo’ Guzmán (61) a wordo haya culpable di crimen relaciona cu traficacion di droga pa cual e por keda sentencia cu un castigo di prison di bida largo. E caso a dura 3  luna y  6 dia di deliberacion di un hurado, cu a haye culpable pa tur 10 cargo cu e tabata sospecha di dje. E caso a ofrece un bon bista di e operacion di e cartel di Sinaloa. E ta wordo culpa di a trafica mas di 200 tonelada di droga den Merca. Como parti di e trato pa por a haye extradita for di Mexico pa Merca, a bay di acuerdo cu no ta pidi pena di morto pe. E sentencia ta dia 25 di juni proximo. 

  • Parlamentarionan Europeo a keda prohibi pa drenta Venezuela

    Parlamentarionan Europeo a keda prohibi pa drenta Venezuela

    CARACAS – Gobierno Venezolano a prohibit entrada na un grupo di 4 parlamentario Europeo y a ordena nan pa bolbe riba e mesun avion. Parlamentario Hulandes Esther de Lange (CDA) a traha un raportahe riba su cuenta twitter di e desaroyo. Segun de Lange, nan a haya invitacion di Parlamento di Venezuela. “Pero nos a tende di un representante di gobierno cu nos ta wordo poni bek riba e prome buelo pa Madrid”.  No obstante e hecho cu nan tabatin pasaporte diplomatico, nan entrada no a keda honra. E grupo ta bek na Europa, y ta bisa cu no ta descarta cu esaki lo tin consecuencia. “Nos no a bin provoca. Nos a bin wak con e situacion medico di e pueblo ta”. Fuente Parlamentario de Lange y N.O.S. Wak e declaracion di De Lange AKI. 

  • Banco Ruso a congela cuenta di PDVSA pa evita sanccion Mericano

    Banco Ruso a congela cuenta di PDVSA pa evita sanccion Mericano

    MOSCOU- E banco Ruso E Gazprombank a dicidi ‘congela’ e cuentanan di PDVSA y Petrozamora y a suspende e transaccionan cu e firma ey pa evita cu e entidad financiero por a keda sanciona pa Merca, un Fuente di e banco a bisa e agencia di noticia Reuters diadomingo.  “E cuentenanan di PDVSA actualmente ta congeal. Manera bo por compronde, e operacionan no por tuma lugar” e Fuente a bisa. Segun Reuteres, PDVSA tabata pidi su clientenan pa deposita nan ganashi di e benta di petrolio, riba cuenta di Gazprombank, den un intent pa evita sanccion Mericano den un forma di un ‘buraco den ley’. Esey awor ta resulta imposibel. Mientrastanto PDVSA a desmenti e informacion riba nan cuenta twitter y a cataloga esaki como ‘fake news’. 

  • Presidente Trump a anuncia emergencia nacional pa por traha muraya

    Presidente Trump a anuncia emergencia nacional pa por traha muraya

    WASHINGTON - President Mericano Donald Trump a anuncia un emergencia nacional den e area di frontera cu Mexico. Esaki el a haci pa por haya acceso na fondo pa por traha su muraya y asina caba cu traficacion di droga, imigracion ilegal y criminalidad. Asina el a bisa durante un conferencia di prensa diabierna, confirmando e rumornan di un dia prome. Trump ta yama esaki un crisis nacional. Congreso tin pensa di  tegen te houden.

  • Presidente Trump lo declara emergencia nacional pa por traha muraya

    Presidente Trump lo declara emergencia nacional pa por traha muraya

    WASHINGTON – Presidente Mericano Donald Trump ta planea pa declara un emergencia nacional pa asina haya fondo pa financia e construccion di e muraya na frontera cu Mexico. Asina Cas Blanco a bisa diahuebs. Cu e anuncio di e emergencia, e no mester di Congreso pa traha e muraya. Hunto cu esey, Trump lo firma un ley di seguridad di frontera, cu ta financia operacion federal y evita un ‘cierre di gobierno’ diabierna. Potret cortesia AFP. 

  • Biyonario Richard Branson cu concierto na frontera di Venezuela

    Biyonario Richard Branson cu concierto na frontera di Venezuela

    NEW YORK – E biyonario fundador di e aeroliña Virgin Atlantic   Sir Richard Branson ta planeando un concierto na frontera di Venezuela, pa pone presion pa gobierno di presidente Nicolas Maduro laga ayudo humanitario drenta. Den un video clip, e biyonario ta bisa cu e ta organisando un alineacion grandi di artista internacional pa presenta, aunke no a bisa ken e artistanan ta. E concierto ta poni pa tuma lugar dia 22 di februari, un dia prome cu e fecha cu a pone pa e ayudo humanitario cuminsa drenta Venezuela segun e presidente apunta Juan Guaidó.  E oficina di Branson a confirma cu e video ta legitimo y cu Branson lo comparti mas riba e tema pronto. “Nos meta ta pa genera 100 miyon dollar den 60 dia y pa habri e frontera di Venezuela pa ayudo humantario por drenta y yega e miyones cu tin mester di dje mas urgente”, Branson a finalisa bisando. 

  • Imagen di Aruba a pasa den propaganda durante Super Bowl ayera

    Imagen di Aruba a pasa den propaganda durante Super Bowl ayera

    ATLANTA – Un pida imagen di Aruba a pasa den un propaganda durante e wega di Superbowl 53 diadomingo anochi. Ta trata di e marca di biña renombra  ‘Yellow Tail Wine’, cu a usa imagen di un campaña cu nan a tene na 2018. Pa e campaña, nan a selecta 2 ganador, di cual uno tabatin imagen di Aruba. Durante e propaganda, por a mira mira un persona ta  colga na cabuya pa sambuya den laman na Aruba. E campaña tabata yama ‘Tastes Like Happy’.

  • Powered by SETAR