Concierto di Ana Gabriel ta e miho regalo pa dia di mama e aña aki!

Concierto di Ana Gabriel ta e miho regalo pa dia di mama e aña aki!

Posted on 02/11/2019 6:25 pm AST | Updated on 02/11/2019 9:28 pm AST

(ADVERTORIAL)

ORANJESTAD – Si bo ta buscando un regalo pa regala mama e aña aki, nos tin e regalo perfecto!. Sea cu si bo ta un mama, of si bo ta e yiu cu kier regala su mama e regalo perfecto, den compania di bo familiarnan, esaki ta bo oportunidad: Un carchi VIP pa wak Ana Gabriel den Concierto riba  11 di mei proximo. Asina mes, despues di 25 aña, e artista di taya internacional Ana Gabriel  ta bolbe Aruba, pa presenta un señor concierto, como un regalo pa tur e dushi mama di Aruba. E concierto special aki lo tuma lugar den e mahestuoso Aruba entertainment Center. Segun e organisadornan, tabata despues di negosacionnan hopi largo y dificil cu a logra sigura e artista grandi aki pa e bolbe Aruba. Ana Gabriel no ta desconoci pa Aruba ya cu na 1992 tabata na Aruba caba y a presenta su cancion popular Luna e tempo ey den e mesun lugar, Aruba Entertainment Center. 

CARCHI

Pa e anochi grandi aki, e organisadornan a sigura cu un y tur por goza di e evento y a hacie mas facil posibel pa tur hende goza di e maximo anochi. For di VIP te na entrada general. Den cuadro di esaki loke e organisadornan a regla pabo, ta cu bo por paga bo mesa di VIP poco poco segun bo propio forza. Tambe ta asina cu si bo no tin 10 hende pa comparti e mesa completo, esaki tampoco no ta un problema pasobra bo por cumpra kaarchi los pa sinta na mesa VIP compartiendo e mesa cu demas persona !!! Pues no tin un excusa pa abo no ta un VIP riba e anochi grandi aki. 

Manera informa, tin diferente sekshon :

*) VIP Plus cu ta inclui Bebida na mesa

*) VIP Table SIN  bebida 

*) VIP Seating/standing

*) Sekshon General

Y manera informa anteriormente, a percura pa facilitabo cu e posibilidad pa no mester paga bo mesa VIP for di awor.

Bo ta reserva bo mesa VIP awor pagando solamente 10% y e resto bo ta paga poco poco fin di luna di February - Maart i April. Dus bo tin tres (3) fin di luna pa paga bo reservacion. Mihor no por!

Mes momento nos ta recomenda pa bo no sinta warda e fecha yega cerca, pasobra e interes ta enorme!. Tanto mesa di VIP como carchi regular ta bayendo manera pan cayente, y ta premira cu prome cu e fecha yega, e lo ta un concierto completamente bendi. Pues no basila, reserva bo mesa awor, paga poco poco y na final abo por disfruta e señor concierto aki como un VIP,. 

Pa esnan cu kier reserva y of paga nan mesa y of carchi awor caba, por pasa libremente na e BOX OFFICE di Ana Gabriel situa na Seaport Marketplace na Oranjestad. Direccion: Ora cu bo drenta di parti di e pasillo di Cinema, cana bay te abou y busca e local cu ta hopi visible di leu cu potret di Ana Gabriel.  Pa esnan cu no por yega eynan ainda, por djis yama of app telefon 5999-5102917 of yama 297-5686283

  • Concurso di pintamento pa muchanan di scol basico cu tema‘Stima bo cacho’

    Concurso di pintamento pa muchanan di scol basico cu tema‘Stima bo cacho’

    ORANJESTAD – E comision di e plan nacional recien instala, cu e meta pa atende cu e problema di cacho na Aruba, ta actualmente den fase inicial di preparacion y ta lansa, danki na idea di Sr. Rodney Solognier (KPA), un concurso di pintamento “back-to-school” cu tema “stima bo cacho”. E muchanan di scol basico por participa den e concurso y asina haya sa mas di Aruba su ‘Ley di Cacho’. Educando nos muchanan ta crea un base amplio solido di doño, cu ta cuida nan mascotanan di forma responsabel. Alabes ta stimula e adultonan pa forma parti di e educacion di e forma aki, ora nan yuda splica e mucha algun punto basico di e ‘Ley di Cacho’. 

  • Rotary Club Aruba a ricibi bishita di District Governor Trevor Blake

    Rotary Club Aruba a ricibi bishita di District Governor Trevor Blake

    ORANJESTAD - Dialuna mainta a cuminsa e bishita oficial di District Governor Trevor Blake na Aruba. Trevor ta di e isla St. Kitts and Nevis y ta e Governor di e Districto 7030 di Rotary International pa e aña aki. Aruba y e ‘hermana’ islanan Corsou y Boneiro ta forma parti di e Districto aki desde 1 di januari 2017. Tur aña e District Governor ta bishita tur e islanan den su districto, unda tin un Rotary Club pa asina conoce e miembronan di e club, e comunidad y e proyectonan cu ta ehecuta door di e Rotary Club local. E District Governor tabata compaña pa e Assistant District Governor Rita Merkies di Rotary Club Willemstad. Rita ta fungi como e “link” entre e islanan ABC y e districto 7030 di Rotary International. 

  • Kiwanis Club of Palm Beach cu actividad pa promove ‘childseat’ den trafico

    Kiwanis Club of Palm Beach cu actividad pa promove ‘childseat’ den trafico

    ORANJESTAD  – Kiwanis Club of Palm Beach ta anuncia cu riba diasabra 24 di augustus lo tin un actividad pa promove e uzo di ‘childseat’ den trafico na Aruba. Un ‘childseat’ ta un asiento di auto pa baby of mucha chikito, cu ta protega e mucha den caso di accident den trafico.

  • Maria College Mavo a tene yen di actividad pa habri aña escolar nobo

    Maria College Mavo a tene yen di actividad pa habri aña escolar nobo

    ORANJESTAD - Riba 16 di augustus 2019 Maria College MAVO a habri e aña escolar 2019-2020 cu diferente actividad pa su alumnonan. E actividadnan aki ta encera conoce bo mes, conoce bo mentor y bo compañeronan di klas den un forma activo y recreativo. 

  • Xiomara Bergen a gana campaña di NoticiaCla pa bay CNSJ 2019

    Xiomara Bergen a gana campaña di NoticiaCla pa bay CNSJ 2019

    ORANJESTAD - Despues di 6 siman di campaña di celebracion di prome lustro di NoticiaCla.com, Xiomara Bergen a bira e ganador di e campaña fabuloso cu e premio grandi cu ta hiba Xiomara y un persona mas pa Corsou otro siman pa goza di e fin di siman di Curacao North Sea Jazz 2019. Danki na partnernan di Noticiacla.com, esta Aruba Airlines, Acoya Resorts y Oficina di turismo di Corsou, cu Xiomara  ta por disfruta di un fin di siman tremendo, experenciando e di 9 edicion di e festival. Xiomara a conta nos cu e tabatin echt hopi gana di bay, pero otro compromisonan financiero a pone cu e no por a bay. Pero cu e premio aki, plannan a cambia rapidamente. Pa e por a gana, e mester a participa, door di like e Facebook Page di NoticiaCla y download e app. Pabien Xiomara Bergen!! Y danki pa a pone confiansa den Noticiacla.com. Keda pendiente pa mas premio prome cu fin di aña ainda!. 

  • Diadomingo a tene e di di tres edicion di ‘Honor to Connor Steelband Celebration’

    Diadomingo a tene e di di tres edicion di ‘Honor to Connor Steelband Celebration’

    ORANJESTAD – E celebracion aki tabata un anochi di homenahe na e Legendario Sr. Edgar Connor (d.f.m.) cu ta pionero, legendario den musica Steelpan fundador di e famoso ‘Aruba Invaders Steel Orchestra’. E conocido Melvin Garcia a fungi como animado y Maestro di Ceremonia. E studiantenan di ‘Aruba Panman Foundation’ bou direccion di Angel Hazel y Lee Connor, a habri e anochi musical cu e ‘stage fear’ domina, unda nan a haci nan presentacion y laga e publico disfruta di nan entusiasmo, cu nan tin pa nan instrumento di steelpans. A sigui Touch of Steel, Nico Connor acompaña pa Ivan Quandus y Michael Odor hunto cu ‘NLG Dancers’. E anochi a continua cu presentacion di ‘Quiver Quips Steel Orchestra’ y na final ‘The Aruba Invaders’ bou direccion di e rumannan Nico y Lee Connor, acompaña pa ‘Carnaruba’ cu nan trahenan mahestouso di Carnaval. 

  • Powered by SETAR