DEN HAAG – Ministerio di Relacionan Interior Hulandes a faya den duna un ‘toelage’ di sigur 40 mil euro na un ambtenaar halto Henk Brons. El a haya e suma aki pa a keda den exterior mientras cu e tabata realmente bibando na Hulanda. E raport riba e tema a keda presenta dialuna na Hulanda. Minister Ollongren a laga investiga e caso y ta di acuerdo cu e rapport cu ‘reglanan no a keda bon aplica pa esnan responsabel’. Asina e portal di noticia NOS ta raporta dialuna. “Brons no tin culpa, segun e carta pa Tweede Kamer.
POSICION
Brons tabata representante di Hulanda pa Aruba, Bonaire y St Maarten di 2015 pa 2018. Prome cu esey e tabata e homber mas ‘halto’ di funccion na departamento di informacion. Ultimo 9 luna den su funccion como representante di Hulanda, e tabata apenas 18 dia riba su puesto na Corsou, pasobra mientrastanto ya el a haya un function como director interino di e ministerio na Den Haag. Pa esey, el a haya un pago di 41.745 euro, segun NOS su raportahe na November.
INCONCIENTEMENTE
Brons kier paga parti di e placa bek. “MI kier di ningun manera, aunke e tabata ‘inconcientemente y legalmente valido, probecha di e decision haci pa e dunado di trabou pa loke ta palabracionan haci riba e condicionan di trabou’. Asina e ambtenaar a bisa. E ministerio no keir bisa cuanto Brons a paga bek.
BUSINESS CLASS
Reglanan di e ministerio ta bira mas rigido, unda cu p.e, no ta permiti famianan pa biaha ‘business class’. E investigadornan a haya 10 caso mas di recompensa pa trabou den exterior, di ambtenaarnan cu lo a haya placa sin cu nan lo tabatin derecho ariba. E casonan ey ta wordo investiga ainda.
Fuente: NOS/Dick Drayer Potret: Dick Drayer
DEN HAAG – Directora di Arubahuis a mr. Joselin Croes a participa na e “Kennismissie” di Minister di OC&W Robbert Dijkgraaf na Curaçao y Aruba. Na Aruba e punto central tabata con educacion ta conecta cu e mercado laboral: e situacion actual, pero principalmente con e demanda di enseñansa ta cuadra cu e necesidad di e mercado laboral.
AMSTERDAM – Rey di Spaña Felipe y Reina Letizia a cuminsa na nan bishita oficial di dos dia na Hulanda. E bishita a cuminsa riba plaza Dam unda cu tabatin tiro di saludo riba e tereno di marina. No a usa municion sino mas bien blanco. E diferencia di e bishita aki ta cu e biaha aki prinses Amalia tambe ta inclui den e bishita. Awe nochi e ta forma parti di e cena Real na honor di e pareha Real Spaño. Amalia tin un relacion special cu Spaña ya cu e la pasa un aña eynan recien debi na motibonan di seguridad pa su bida. Mientrastanto e la bolbe Hulanda pa biba y sigui studia. Pero e situacion di seguridad y menasa contra dje, no a kita ainda.
SCHIPHOL – Decenas di buelo a keda anula dialuna na aeropuerto Schiphol di Hulanda debi na mal tempo. Ta primordialmente buelonan dentro di Europa mes. Buelonan pa Caribe Hulandes manera Aruba no a keda afecta. Ta trata di 90 buelo cu a keda anula, di cual mayoria ta di KLM. Ta spera rafaga di biento fuerte cu posibel mal tempo, segun un vocero di e aeropuerto.
W’STAD/DEN HAAG - Minister Hulandes demishonario di Klima i Energia, Rob Jetten a anunsiá durante un reunion di e komishon fiho di Relashonnan den Reino di parlamento Hulandes ku na 2025 ta organisá e di dos konferensia di klima di reino na Kòrsou. Esaki despues ku e promé konferensia a tuma lugá na mei 2023 na Aruba. El a katalogá e promé konferensia sumamente eksitoso ku partisipashon di diferente pais den region. E ta interesante mirando cu na mei na Aruba Jetten a informa Noticiacla cu e interes pa asuntonan di Clima ta casi nulo, pasobra tin problemanan mas importante cu esey pa atende. Asina mes, ta sigui tene e conferencianan.
DEN HAAG – Negosacionan pa forma gobierno nobo na Hulanda ta continua awe. E lidernan di e 4 partido ta hunto prome biaha cerca e informado. E intencion ta pa logra un acuerdo pa mitar di luna di mei di e aña aki ainda. Pero na final di e combersacion, Geert Wilders di PVV no por a sigura esaki ainda. Partidonan ta hopi positivo pa e progreso, pero ainda no por bisa si ta logra e meta menciona. Algun medio ta bisa cu e combersacionan ta bayendo hopi lento, pero e partidonan ta desmenti esey. E parti financiero ta e parti mas dificil pa atende. Na November di aña pasa tabatin eleccion y a cuminsa negosha. Ya ta bayendo pa 5 luna di formacion.
ORANESTAD - E pasado di sklabitut kolonial di Hulanda i su impakto a forma diferente pais rònt mundu profundamente. Tòg e konosementu ku ta disponibel tokante e pasado di sklabitut kompartí akí ta skirbí partikularmente for di perspektiva kolonial. Pa enrikesé nos perspektiva, minister Dijkgraaf (Enseñansa, Kultura i Siensia) ta inisiá un koperashon global di sientífikonan riba e tópiko akí awe na Aruba. Esei el a anunsiá awe durante un mishon di konosementu den Karibe.