FHMD cu campaña di Valentines Day riba imagen falso di relacion

FHMD cu campaña di Valentines Day riba imagen falso di relacion

Posted on 02/11/2019 10:34 am AST | Updated on 02/11/2019 10:36 am AST

ORANJESTAD – Fundacion pa Hende Muhe den Dificultad ta bay start un campaña di conscientisacion durante fin di siman di Valentine’s Day cu lo subraya e mundo di media, y cosnan cu e victima ta pasa aden cu ta haci cu e ta duna e abusador un otro oportunidad. ‘Den ki relacion mi ta? Con mi ta hibando mi bida? Kico e relacion aki ta aportando pa ami? Ken ami ta awe?’ Esaki ta preguntanan crucial cu hopi di nos a yega di contempla ora ta trata nos relacion amoroso.  

BUNITA RIBA POTRET

“Semper tur cos ta mustra bunita den potret pero nos nunca sa kico tin tras di e imagen ey, y algun por bisa cu nan ta bibando un bida falso. Y esaki ta laga hopi hende pensa, te ki dia nan lo keda biba un bida asina?”, Maria Carasquilla, trahado social na Fundacion pa Hende Muhe den Dificultad ta splica. E fundacion ta trata cu asina hopi casonan anual cu nan ta tuma nota di algun cosnan cu ta ripiti y semper keda bin dilanti. Nan ta subraya por ehempel cu varios victima mes ta consciente cu nan ta biba un engaño den nan relacion, un falsedad of un bida cu un imagen falso. “Hopi hende sa esey. Pasobra e ta facil pa nos saca potret y tapa, pasobra parti di maltrato ta e berguensa. E ta keda bin dilanti si cerca nos cu hopi biaha personanan ta bon consciente cu nan ta bibando un bida di imagen. Y si nos ta den un status hopi mas halto, e ta hopi mas” segun sra. Carasquilla.

CONSCIENTISACION TOCANTE ‘IMAGEN FALSO’

E campaña fotografico cu e tema di Imagen Falso ta un campaña a base di e mesun casonan y puntonan cu ta bin dilanti di clientenan cu ta victima. E berguensa of pa sigui tapa pa motibo di menasa, of otro motibonan pa kico un victima no ta bin dilanti y papia. Pero tambe locual tin ta personanan cu por ehempel ta dificil pa nan pa accepta cu nan ta den un problema. “Valentine’s Day ora cu bo ta den un relacion, no mester tin fecha. Pero den violencia domestico esaki ta sosode den un forma di circulo vicioso,” sra. Carasquilla ta splica. E ta sigui bisa cu “Con pa yega na e victima pa sigui cu e circulo vicioso aki por ehempel cu regalonan, palabranan bunita cu e no ta bay haci cierto cosnan mas. Cosnan asina cu ta haci cu como victima bo ta duna un otro oportunidad.” 

E meta di e campaña aki tambe ta pa e fundacion cuminsa bira mas visual, pa asina e mensahe por cuminsa circula mas lihe y preciso. “Nos kier trece mas e realidad. Nos kier trece tur otro aspectonan y puntonan cu violencia domestico ta trece dilanti, y con e comportacion di un victima tambe ta.” Sra. Carasquilla ta sigui bisa “Dilanti di hende nos tin un cara, y patras di portanan cera ningun hende no sa kico e personanan aki ta biba aden.

Esaki ta pa comunidad compronde mas kico ta encera violencia domestico y con complica realmente e ta, y p’esey tambe e trabao ta keda pa mas conscientisacion pa e victimanan como tambe pa comunidad henter.” Pa mas informacion Like e pagina https://www.facebook.com/FHMDarubay keda informa riba tur pasonan di e campaña, como tambe otro videonan di conscientisacion.

  • Sindicato STA ta cuestiona referendum pa otro sindicato na aeropuerto

    Sindicato STA ta cuestiona referendum pa otro sindicato na aeropuerto

    ORANJESTAD - Sindicato STA ta cuestiona referendum pa otro sindicato na aeropuerto. E directiva, segun un comunicado diadomingo, a bisa cu directiva di S.T.A. a tuma nota di un comunicado di e sindicato, cu a pidi referendum na AAA NV. Locual ta straña STA ta, con e abogado di e sindicato Figaroa ta bin dilanti, pa purba tira santo den wowo di hende cu yen di coy loco di Corsou. Locual Sr.Figaroa mester splica e empleadonan di AAA NV segun STA, ta cu ta su propio partner Sr. Sven Faarup, cu ta hinca den directiva di AAA NV, a firma pa ‘verleng’ e contract cu Guardian Group, pa locual ta e pensioen di e empleadonan y asina manda un puñal den custia di STA y tur e empleadonan. Importante ta p’e splica con esaki a bay y con su partner, a sabiendas di e deseo di e empleadonan di AAA NV, paso e tambe a wordo poni na haltura debidamente di e situacion via di e bureau di minister, toch e parter di Mr. Figaroa a claba e pober trahadornan un puñal. Segun STA, ningun empleado di aeropuerto kier pa ningun sindicato bin coba den nan bonus di fin di aña y ni bay paga dobbel mas contribucion pa haya nada. STA a entrega su concepto caba na gerencia di AAA NV y ta cla pa cuminsa negocia. “Si e sindicato di Sr. Figaroa no logra haya mayoria, e mester hala kita pa laga STA negocia, asina simpel e ta y e sa masha bon, of e ta kere cu su partner por bay manipula cu esaki tambe” e sindicato STA su comunicado ta bisa. “Ta tristo, pero berdad, cu un par di persona cu practicamente a comete fraude cu nan manipulacion di on call y raporta "call back", pa capricho kier bin cu un otro sindicato y bruha tera den porta di negociacion”.

  • Meteo: Tormenta tropical Dorian ta molester solamente pa navegacion maritimo

    Meteo: Tormenta tropical Dorian ta molester solamente pa navegacion maritimo

    ORANJESTAD - Tormenta Tropical "Dorian" tabata move west riba e awanan habri di Atlantico na mas o menos 605 km oost- zuidoost di Barbados diadomingo atardi. Na e momentonan aki "Dorian" ta solamente un molester pa navegacion maritimo, pero e ta acercando e islanan den parti oost di area di Caribe. Departamento meteorologico di Aruba lo sigui e desaroyonan di e sistema aki cu hopi atencion. Potret ta di NOAA.Gov

  • E trabounan pa studia e subsuelo na Sero Colorado a inicia

    E trabounan pa studia e subsuelo na Sero Colorado a inicia

    ORANJESTAD -  E trabounan pa loke ta e ‘grondonderzoek’ pa e proyecto di hotel na Sero Colorado ta tumando luga. Asina Minister di Medio Ambiente y Infrastructura, Otmar Oduber, a informa diabierna. Segun e mandatario, e investigacionnan aki ta e rekisito- y condicionnan cu Gobierno a pone caminda a bisa cu mester tene cuenta cu e tunnelnan di awa (mirando cu no tin ningun otro cueba natural na e sitio y tampoco mina di fosfaat). Ta trata di e tunnelnan di awa, cu a traha den e periodo di Lago. Mester enfatisa cu lo conserva e tunnelnan y nan lo keda publico tambe. 

  • Douaneronan a protesta awe mainta pa asunto di salario

    Douaneronan a protesta awe mainta pa asunto di salario

    ORANJESTAD - Douaneronan a bay den protesta diabierna mainta, reuniendo na oficina principal na Budlex Building. Esaki en coneccion cu e salarisstructuur cu mester a drenta na vigor 1 di januari 2018. Despues di a reuni na e oficina, a mobilisa pa Bestuurskantoor. Keda pendiente pa mas informacion. 

  • Atencion Food lovers! Ling & Sons Food Show 2019 ta na caminda

    Atencion Food lovers! Ling & Sons Food Show 2019 ta na caminda

    (ADVERTORIAL)

  • Prome Minister Wever a presidi reunion di preparacion pa Horcan

    Prome Minister Wever a presidi reunion di preparacion pa Horcan

    ORANJESTAD – Prome Minister di Aruba, Evelyn Wever Croes, a presidi e reunion pa preparacion contra calamidad diaranson. Ta trata di e entrenamento di Hurex 2019, preparacion pa Horcan. Nos ta den pleno temporada di horcan y augustus y september ta e lunanan crucial pa un horcan. Segun Wever, Aruba ta preparando pa cualkier eventualidad den temporada di horcan.”Ta bon prepara ta e mihor manera pa recupera despues di un disaster,” e mandatario a bisa durante e reunion. Tur e stakeholdernan importante tabata presente, manera; polis, bombero, warda costa, marinierkazerne, departamento di turismo y mas. 

  • BTA
  • b.c car
  • Powered by SETAR