KLM-Air France ta desmenti noticia di retiro masal y bancarota

AMSTERDAM - Air France-KLM ta desmenti noticia di retiro masal serca e aerolinea. Tambe e hecho cu tin bancarota na caminda, tambe a wordo desmenti dialuna pa e vocero di e compania na e agencia di noticia ANP. Ta e corant Telegraaf a raporta dialuna a base di un fuente na Paris, cu e compania mester tuma pasonan drastico pa evita un faillisement tecnico, y cu tin retironan masal na caminda. E vocero a bisa cu e noticia di retiro masal ta ‘puro speculacion’. Si nan ta anuncia cu KLM-AIR FRANCE na september durante nan presentacion di e strategia nobo, cu mester reduci costonan mas ainda den e proximo añanan, tanto na Hulanda como na Francia. “Cu tin un bancarota na caminda, ta completamente falso” e vocero a bisa.

E cifranan di e di tres cuartal ta wordo presenta diaranson awor. Na September ultimo, e aerolinea a haye cu un welga di personal di cabina di 2 siman. Cu e welga aki e aerolinea a perde mei biyon euro. Ta conoci si cu e buelonan dentro di Europa, ta genera perdida.