Wever: Ehercicionan militar na Venezuela no ta motibo pa preocupacion

Wever: Ehercicionan militar na Venezuela no ta motibo pa preocupacion

Posted on 02/10/2019 8:28 pm AST | Updated on 02/10/2019 8:40 pm AST

ORANJESTAD/CARACAS - Gobierno di Aruba a wordo notifica cu Venezuela ta bay tin ehercicionan militar entrante awe 10 di februari te dia 15 di februari. Asina gobierno di Aruba a informa comunidad local diadomingo pa medio di un comunicado. Segun premier Wever, e ehercicionan aki ta forma parti di e conmemoracion di e 200 añanan di e ‘Congreso de Angostura’ cu ta origina di e prome Constitucion di e pais Venezuela. 

Prome Minister Evelyn Wever-Croes: “Esaki ta algo planifica caba relaciona cu e echo historico aki y nos a wordo notifica door di autoridadnan siman pasa pa tene cuenta cu esaki. E serie di entrenamentonan aki ta encera ehercicionan riba awa tambe. Nan lo keda dentro di e teritorio Venezolano pa cua motibo tambe NO tin motibo pa panico”.

E situacion den Venezuela como tambe e posicion di Reino ta keda mescos despues di e anuncio di siman pasa unda cu e Minister di Relacionnan Exterior Hulandes señor Stef Blok a manda un carta pa Parlamento Hulandes, indicando cu Hulanda ta reconoce señor Juan Guaido como e Presidente Interino di Venezuela pa e periodo cu e tin mester pa organisa eleccionnan liber na Venezuela. Den e carta aki, Hulanda ta splica su punto di bista y e posicion di Reino, cu lo mantene e relacion diplomatico cu e regimen di Presidente Nicolas Maduro cu tin e autoridad real mientras tambe lo cuminsa cera contactonan diplomatico cu esnan di Juan Guaido.

Prome Minister e enfatisa cu Gobierno y tur e expertonan concerni ta sigui e desaroyonan di cerca tur dia y tur e instancianan aki pa hopi tempo caba a bin ta prepara riba e tema aki pa asina wordo informa a base di informacion veridico y pa tuma accion riba informacionnan veridico y no riba informacionnan cu no ta corecto. Aparte di esaki, segun Prome Minister, hunto cu Marina Real, autoridadnan local tanto maritimo como riba tera y cu cooperacion estrecho cu Corsou y Boneiro ta atende cu e tema aki debidamente y asina duna informacion tambe. 

E conseho di biahe pa Venezuela tambe a keda mescos. NO biaha pa Venezuela si realmente no ta necesario. Gobierno di Aruba ta vigila e desaroyonan di cerca y lo duna mas informacion si y ora ta necesario.

 

  • ‘El Niño’ lo por prolonga secura pa nos region incluyendo Aruba

    ‘El Niño’ lo por prolonga secura pa nos region incluyendo Aruba

    BRIDGETOWN, Barbados (CMC) — E fenomeno di tempo ‘El Niño’ por percura pa un periodo di secura prolonga, y por afecta e temporada proximo di horcan den Caribe. Asina e instituto Caribense basa na Barbados, Caribbean Institute for Meteorology and Hydrology (CIMH) a bisa. El Niño ta hopi swak, y como tal tempo di secura lo sigui y haci e periodo entre temporada ‘seco’ y ‘muha’ mas largo. El Niño ta e fenomeno asosia cu un area di awa oceanico cayente cu ta desaroya den parti central Pacifico y ta un di e fenomeno mas importante cu ta produci tempo na mundo. Tin tambe fenomeno contrario conoci como 'La Niña', cu ta ora cu e mesun fenomeno ta mas friew. Segun pronostico di CIMH pa cu juni, secura severo of pio a desaroya na  Antigua, Aruba, Barbados, Curaçao, y Isla Riba. 

  • Nina Den Heyer di MPB ta votegetter di eleccion na Bonaire

    Nina Den Heyer di MPB ta votegetter di eleccion na Bonaire

    KRALENDIJK – E votegetter di e eleccion di Conseho Insular a bira Nina Den Heyer di partido MPB cu 1088 voto. Interesante ta e no ta lider di partido pero e number 2. E lider di partido mes, Elvis Tjin Asjoe a ricibi 629 voto, mientras cu e partido total a haya 3575 voto, cu a hacie e partido mas grandi si.  E siguiente persona cu a haya mas voto, despues di Den Heyer, ta e lider di partido Democraat, cu ta Clark Abraham cu 874, mientras cu su partido total a haya 2132. Potret FB den Heyer. 

  • Partido MPB a gana eleccion na Bonaire

    Partido MPB a gana eleccion na Bonaire

    KRALENDIJK – Partido MPB (Movementu di Pueblo Boneriano) cu su lider Elvis Tjin Asjoe a gana eleccion na Bonaire diahuebs marduga. Partido Democraat di Clark Abraham a keda na di dos lugar. E resultado a tarda masha hopi mes pa keda cla, siendo cu tabatin apenas 10 urna, di cual 6 tabata cla caba ora cu a cera nan pa 9or di anochi. Pa 5’or awe marduga e ultimo resultado a keda publica finalmente. No ta conoci kico a conduci na e tardansa asina hopi. 

  • Te cu awor, 22.19% di votado a deposita voto na Bonaire

    Te cu awor, 22.19% di votado a deposita voto na Bonaire

    KRALENDIJK – Te cu 3’or di merdia, un total di 3132 hende a vota na Bonaire. Manera ta conoci, dia 20 di mart 14114 hende por vota pa Konseho Insular i 12649 hende por vota pa Kolegio Elektoral. Por vota na dies urna na diferente parti di Boneiru. Banda di e urnanan aki tin un urna móbil. Te ku awor 22.19% di votadó a depositá nan voto.

  • Bonaire ta eligi miembronan pa Conseho Insular y Conseho Electoral

    Bonaire ta eligi miembronan pa Conseho Insular y Conseho Electoral

    KRALENDIJK – Ciudadanonan di parti di islanan BES, (Bonaire y Saba) ta bay urna electoral awe. Na Bonaire lo tin eleccion pa Conseho Insular. Conseho Insular ta dicidí riba e.o. medio ambiente: for di bon camindanan te cu un centro di cuidad nobo y di mantencion di natural te cu seguridad den bario. Banda di e eleccion pa miembronan di Conseho Insular, ta tuma luga tambe, riba 20 di mart 2019, eleccion pa miembronan di e Conseho Elektoral.   

  • Ultimo debate politico prome diabierna prome cu eleccion di Bonaire

    Ultimo debate politico prome diabierna prome cu eleccion di Bonaire

    KRALENDIJK - Djabierne awor e kompania Boneriano SAGE B.V. huntu cu fundacion IDEA ta presenta e debate final “Desishon 2019” entre tur 8 partido cu ta participa na e eleccion di 20 di maart benidero.  E debate aki lo keda transmiti cuminsando 9’or di anochi, via di e canalnan di television Dutch Caribbean TV y TVDirect Corsou, i tambe via di radio Breezy FM. Por sigui e debate tambe bibo y directo via di Facebook.

  • Powered by SETAR