Polis a confisca sportbike di motorciclista terorisando Pos Chiquito

Polis a confisca sportbike di motorciclista terorisando Pos Chiquito

Posted on 02/10/2019 2:03 pm AST | Updated on 02/10/2019 2:03 pm AST

ORANJESTAD - Polis a confisca un motorciclista terorisando bario di Pos Chiquito marduga cu su sportbike.  Tabata durante control di e unidad di motorcycle di polis cu esaki a sosode. Diasabra prome y durante y despues di ACSM ,  Unidad Motorisa a controla riba camindanan principal pa velocidad halto, motocycle sin documento y/of sin rijbewijs, alcohol y luz . UM a controla ongeveer 100 auto di cual 25 a haña boet  pa velocidad halto, 3 pa falta di luz dilanti. Un sportbike cu tabata haci hopi desordo 4or di madruga den Sabana Basora a wordo confisca . For  di rotonde Pos Chiquito e unidad mes por a scucha con e motociclista  tabata molestia full e bario di Pos Chikito y Sabana Basora . Tactisch UM a bay na e sitio y den e bario mei mei di e complex na Sabana  Basora  Noord UM a logra blok e caminda full pa e no sigui core y asina e logra confisca e motorcycle pa falta di documento y joven chauffeur  tampoco tabata tin un rijbewijs valido. Cu esaki UM a hanja un compliment di e bisiñanan cu tabata fada di basta tempo di e situacion aki. Unidad Motorisa lo sigui cu su controlnan durante tur actividad di carnaval prome durante y despues .

  • Polis a detene sospechoso di asesinato San Nicolas

    Polis a detene sospechoso di asesinato San Nicolas

    SAN NICOLAS - Un rato pasa e homber di iniciial D. sospecha di e caso di asesinato awe mainta na Tobelstraat a ser deteni . E detencion a tuma lugar den area di Zeewijk. Mas den oranan tempran polis a topa cu e sospecho su auto y a tuma esaki den beslag. A haci uso di e Helicopter di polis den e busceda pa cu e sospechoso .

  • Homber a mata mama di su yiunan na San Nicolas

    Homber a mata mama di su yiunan na San Nicolas

    SAN NICOLAS – Un homber a mata mama di su yiunan na San Nicolas awe mainta. Despues cu NoticiaCla a informa mas prome den un ‘breaking news’, vocero suplente di polis Liliana Rasmijn a confirma cu  diamars mainta pa mas o menos 10or di mainta alarm central a notifica central di polis di un caso na Tobelstraat San Nicolaas di un señora cu no ta duna señal di bida den su cas.  Na yegada di patruya  na e cas ta topa cu personal di ambulance.   E señora den e cas no tabata duna señal  di bida y ta mustra di no ta un morto natural. A pidi presencia di recherche y tambe polis technico. Fiscal tambe a presenta  na e sitio y slachtofferhulp.  Pa .11:25 dr Texier ta constata morto di e señora R.R.N.Kock. naci na Aruba di 33 aña di edad. Fiscal a laga tuma curpa  den beslag . Inicialmente polis a raporta cu a detene un homber relaciona cu e caso, pero despues a informa cu esaki no ta corecto. Si a confirma cu a haya e auto di e homber sospecha di ta involucra den e caso. E caso ta bao investigacion.  Ken cu sa algo of a wak algo jama tiplijn di polis cu ta 11141. Cuerpo Policial y NoticiaCla  ta manda palabra di condolencia na famia di e fayecida.

  • Accidente fuerte na Bubali

    Accidente fuerte na Bubali

    ORANJESTAD - Un homber coriendo un Honda biniendo for di pabou riba e caminda di Bubali net banda di e veld bieu, a perde control bay den banda contrario dal den un Suzuki Alto y despues dal den mata di kwihi basta duro. E homber a resulta herida unda ambulance a keda solicita pa atende cu e victima y a keda transporta pa hospital.

  • Auto a dal ciclista riba Sasakiweg

    Auto a dal ciclista riba Sasakiweg

    PALM BEACH - Diadomingo mainta riba Sasakiweg un auto a dal den un ciclista y lague herida. Ambulance tabata presente di biaha pa atende cu e victima benta abou herida. Polis a yega y a cera caminda di biaha pa haci investigacion y notifica polis di trafico cu a presenta hunto cu departamento tecnico pa haci investigacionnan necesario.

  • Turistanan na Oceania a bati alarma pa algo cu tabata parse bom

    Turistanan na Oceania a bati alarma pa algo cu tabata parse bom

    ORANJESTAD - Awe diasabra mainta pa 10:30 central di polis ta wordo notifica cu na Oceania turistanan lo a topa cu un tas misterioso .  Na yegada di patruya  ta bin compronde foi di e turistanan cu nan tabata na pool di dichi hotel y ora nan a dicidi pa bay nan kamber nan a bay cu nan tasnan. Na yegada na e kamber nan lo a ripara cu un di e tasnan no ta di nan . Ora nan a habrie nan lo a topa cu artefactonan stranjo pa nan ta parecido na bom. A yama di biaha polis y tambe e team di bom di polis . Ora e team a jega na e sitio menciona na lo a constata cu esaki lo ta trata di filternan di “ gasmask “.  Tur cos a keda aclaria y na unda e turistanan por a keda trankil.Potret cortesia Fozocske

  • Polis a detene homber den bar na Tanki Leendert pa acto di Pedofiel

    Polis a detene homber den bar na Tanki Leendert pa acto di Pedofiel

    ORANJESTAD Diabierna marduga un persona a reconoce un sospechoso cu tabata ser busca pa husticia pa acto di pedofiel contra un menor di 16 aña. E homber aki lo a molestia un mucha menor di edad cu consecuencia e famia a haci denuncia na JZP algun tempo atras y bou ordo di fiscal a pidi su aresto y aki e oficialnan a topa cune den un bar na Tanki Leendert. El  a keda deteni hiba warda.

  • Powered by SETAR