Polis a confisca sportbike di motorciclista terorisando Pos Chiquito

Polis a confisca sportbike di motorciclista terorisando Pos Chiquito

Posted on 02/10/2019 2:03 pm AST | Updated on 02/10/2019 2:03 pm AST

ORANJESTAD - Polis a confisca un motorciclista terorisando bario di Pos Chiquito marduga cu su sportbike.  Tabata durante control di e unidad di motorcycle di polis cu esaki a sosode. Diasabra prome y durante y despues di ACSM ,  Unidad Motorisa a controla riba camindanan principal pa velocidad halto, motocycle sin documento y/of sin rijbewijs, alcohol y luz . UM a controla ongeveer 100 auto di cual 25 a haña boet  pa velocidad halto, 3 pa falta di luz dilanti. Un sportbike cu tabata haci hopi desordo 4or di madruga den Sabana Basora a wordo confisca . For  di rotonde Pos Chiquito e unidad mes por a scucha con e motociclista  tabata molestia full e bario di Pos Chikito y Sabana Basora . Tactisch UM a bay na e sitio y den e bario mei mei di e complex na Sabana  Basora  Noord UM a logra blok e caminda full pa e no sigui core y asina e logra confisca e motorcycle pa falta di documento y joven chauffeur  tampoco tabata tin un rijbewijs valido. Cu esaki UM a hanja un compliment di e bisiñanan cu tabata fada di basta tempo di e situacion aki. Unidad Motorisa lo sigui cu su controlnan durante tur actividad di carnaval prome durante y despues .

  • Auto ta pone bus di Arubus perde control y dal otro auto na Malmok

    Auto ta pone bus di Arubus perde control y dal otro auto na Malmok

    MALMOK – Un auto cu a sali dilanti di un bus di Arubus diasabra atardi na Malmok, a causa un serie di accion cu a resulta malo pa varios otro. E auto cu a sali dilanti di e bus, a pone e chauffeur di bus perde control y bay dal den un auto SUV Rav4. E heridonan a keda atendi pa ambulance, mientras cu e señora di e rav4 a bay hospital.  

  • Auto a laga basta azeta riba caminda na Piedra Plat

    Auto a laga basta azeta riba caminda na Piedra Plat

    PIEDRA PLAT - Riba e caminda di Piedra Plat diahuebs anochi laat tabata tin basta azeta riba caminda, unda varios auto tabata slip y casi un desgracia a sosode. Polis a presenta di biaha y a cera e caminda, te ora cu perosnal di DOW a presenta cu nan truck y santo, pa asina basha riba full e caminda afecta. Despues por a habri e caminda, pa e autonan sigui core. sin ningun problema.

  • Accidente di trafico cu persona leve herida na Hooiberg

    Accidente di trafico cu persona leve herida na Hooiberg

    HOOIBERG - Riba e caminda di Hooiberg diahuebs merdia a sosode un accidente cu dos auto, pa falta di preferencia. Chauffeur di e Rav4 no a duna preferencia y a subi caminda y a dal den un Chevrolet Optra. Polis di trafico tabata na e sitio pa atende cu e accidente y ambulance a atende cu e victimanan.

  • Truck a ranca waya y trahado di SETAR for di palo di luz

    Truck a ranca waya y trahado di SETAR for di palo di luz

    ORANJESTAD - Diahuebs mainta net dilanti di Piedra Plat Entertainment Center un personal di SETAR, trahando riba palo di luz coriendo cable di internet, a hay’e envolvi den un incidente, unda un truck cu baki cora a ranca e waya, cu consecuencia a ranca e tambe y bent’e for di e trapi di e haltura y cay abou keda herida. Ambulance a acudi na e sitio di biaha pa atende cu e victima cu tabatin dolor na su curpa. Polis tambe tabata na e luga pa tuma e datonan

  • Warda Costa a asisti boto cu a keda pega riba rif na Barcadera

    Warda Costa a asisti boto cu a keda pega riba rif na Barcadera

    BARCARDERA – Warda Costa di Aruba recientemente a hay’e cu un asina yama Search & Rescue operation, unda cu mester a rescata un boto, cu a keda pega riba rif na altura di Barcadera. Tabata algo despues di 7’or di anochi cu e melding a drenta. A manda un boto di Warda Costa, un Metal Shark y na yegada a nota e boto Relax pega riba e rif. E capitan a informa, cu nan a haya problema cu motor. A traslada e boto y a mar’e na waf di Barcadera.  

  • Turista Mericano a hoga den laman dilanti Hotel Ritz Carlton

     Turista Mericano a hoga den laman dilanti Hotel Ritz Carlton

    PALM BEACH - Awe diamars atardi pa 4:05 central di polis ta wordo notifica via di AC cu probablemente un turista masculino la mester a bira malo den lama dilanti Ritz Carlton. Ta asina cu a despacha patruya di polis pa e sitio. Na yegada polis ta bin encontra personal di ambulance re-animando e turista. Lamentablemente no por a haci nada mas y pa 4:55 dr Texier ta constata morto di e turista Mericano  S.A.S. di 77 aña di edad.  Slachtofferhulp a presenta pa asina asisti e famia den e momento dificil aki . Cuerpo Policial y NoticiaCla.com ta manda palabra di condolencia na famia di e fayecido.

  • Powered by SETAR