MUSICA: Cantante Randall ‘Zyon’ Luidens ta participa toch den final Caiso

SAN NICOLAS - Stichting Musica, cu ta organisa Caiso & Soca Monarch 2019, a informa diasabra atardi cu e cantante Randall Luidens, mihor conoci bou di su nomber arti?stico Zyon, a wordo informa cu despues di a revisa su keho internamente y cu asesoria huridico Stichting Musica a tuma e decision cu meneer Luidens por participa awe nochi den e categoria di Caiso durante e festival Aruba Caiso and Soca Monarch 2019. Inicialmente huradonan lo a dune suficiente 'strafpunten' pa e keda afor di e final, debi na contenido di su caiso. Pero esaki awor a keda regla. E la canta tanto minister Romero como dos periodista severamente durante su presentacion diamars ultimo durante prefinal. 

INTERPRETACION

Den e caso aki tabata tin un eror den interpretacion di e regla- y regulacionnan di Stichting Musica y na momento cu esey ta e caso Stichting Musica ta tuma responsabilidad pa esaki tambe y ta coregi locual cu no a cana corecto. Stichting Musica lo tuma e incidente aki pa sin?a afor y conhuntamente cu e cuerpo di hurado lo percura pa aplica e regla- y regulacionnan debidamente. Awenochi e grandioso festival ta start sali pa 8 ‘or y Stichting Musica ta tuma e oportunidad aki pa invita pueblo di Aruba completo pa bin apoya nos musiconan y sigui engrandece nos Carnaval 65.