Accidente entre auto y brommer na Dakota

Posted on 02/8/2019 7:12 pm AST | Updated on 02/8/2019 7:13 pm AST

ORANJESTAD - Na e crusada di Caya Juancho Kock diabierna atardi a sosode un accidente entre un chauffeur di auto y un motorciclista. E accidente a sosode mas sigur pa falta di preferencia,  unda e e chauffeur di e auto a dal den e brommer cu consecuencia e motociclista a bay halto y dal abou y keda herida. Personal di ambulance tabata presente pa atende cu e victima. Daño material tabata considerabel.

  • Auto a laga basta azeta riba caminda na Piedra Plat

    Auto a laga basta azeta riba caminda na Piedra Plat

    PIEDRA PLAT - Riba e caminda di Piedra Plat diahuebs anochi laat tabata tin basta azeta riba caminda, unda varios auto tabata slip y casi un desgracia a sosode. Polis a presenta di biaha y a cera e caminda, te ora cu perosnal di DOW a presenta cu nan truck y santo, pa asina basha riba full e caminda afecta. Despues por a habri e caminda, pa e autonan sigui core. sin ningun problema.

  • Accidente di trafico cu persona leve herida na Hooiberg

    Accidente di trafico cu persona leve herida na Hooiberg

    HOOIBERG - Riba e caminda di Hooiberg diahuebs merdia a sosode un accidente cu dos auto, pa falta di preferencia. Chauffeur di e Rav4 no a duna preferencia y a subi caminda y a dal den un Chevrolet Optra. Polis di trafico tabata na e sitio pa atende cu e accidente y ambulance a atende cu e victimanan.

  • Truck a ranca waya y trahado di SETAR for di palo di luz

    Truck a ranca waya y trahado di SETAR for di palo di luz

    ORANJESTAD - Diahuebs mainta net dilanti di Piedra Plat Entertainment Center un personal di SETAR, trahando riba palo di luz coriendo cable di internet, a hay’e envolvi den un incidente, unda un truck cu baki cora a ranca e waya, cu consecuencia a ranca e tambe y bent’e for di e trapi di e haltura y cay abou keda herida. Ambulance a acudi na e sitio di biaha pa atende cu e victima cu tabatin dolor na su curpa. Polis tambe tabata na e luga pa tuma e datonan

  • Warda Costa a asisti boto cu a keda pega riba rif na Barcadera

    Warda Costa a asisti boto cu a keda pega riba rif na Barcadera

    BARCARDERA – Warda Costa di Aruba recientemente a hay’e cu un asina yama Search & Rescue operation, unda cu mester a rescata un boto, cu a keda pega riba rif na altura di Barcadera. Tabata algo despues di 7’or di anochi cu e melding a drenta. A manda un boto di Warda Costa, un Metal Shark y na yegada a nota e boto Relax pega riba e rif. E capitan a informa, cu nan a haya problema cu motor. A traslada e boto y a mar’e na waf di Barcadera.  

  • Turista Mericano a hoga den laman dilanti Hotel Ritz Carlton

     Turista Mericano a hoga den laman dilanti Hotel Ritz Carlton

    PALM BEACH - Awe diamars atardi pa 4:05 central di polis ta wordo notifica via di AC cu probablemente un turista masculino la mester a bira malo den lama dilanti Ritz Carlton. Ta asina cu a despacha patruya di polis pa e sitio. Na yegada polis ta bin encontra personal di ambulance re-animando e turista. Lamentablemente no por a haci nada mas y pa 4:55 dr Texier ta constata morto di e turista Mericano  S.A.S. di 77 aña di edad.  Slachtofferhulp a presenta pa asina asisti e famia den e momento dificil aki . Cuerpo Policial y NoticiaCla.com ta manda palabra di condolencia na famia di e fayecido.

  • Accion di Warda Costa y polis a frustra indocumentadonan drenta Aruba

    Accion di Warda Costa y polis a frustra indocumentadonan drenta Aruba

    WEST PUNT – Dialuna anochi laat, Warda Costa di Aruba a detecta un boto, na altura di Arashi yegando tera y mesora a mobilisa pa intercepta e boto. Hefe di Warda Costa di Aruba, Randy Paskel, a confirma na NoticiaCla.com cu ora cu nan tabata yegando e boto, a nota cu esaki ya tabata yegando tera. Mesora nan a alerta polis cu a mobilisa nan unidadnan inmediatamente. A logra detene 3 persona na tera, mientras cu Warda costa a detene 2 riba e boto, entre nan e capitan. A entrega e dos personanan na autoridad local y e detencion tabata a base di ‘mensensmokkel’. 

  • Powered by SETAR