Persona haya morto den laman na Urirama a keda identifica

ORANJESTAD – E persona cu a wordo haya morto banda di Urirama diabierna atardi a keda identifica un rato pasa pa polis. Ta trata di Adrian Bastidas nasi na Colombia 28 juli 1968. Pa 4.55 dokter Texier a constata su morto. Tur autoridadnan competente  a wordo poni na altura y ta na e sitio. Manera cu NoticiaCla a relata caba mas prome,  awe diabierna atardi pa mas o menos 3 or central di polis ta haya un yamada cu ta mira un curpa sin bida ta drief na altura di Urirama. Mesora ta bay na e sitio y conhuntamente cu helicopter di Kustwacht, personal Kustwacht y personal di brandweer ta logra saca e curpa for di laman.