UPDATE: Ta turista femenino Canades a keda viola pa un turista Mericano marduga

ORANJESTAD – E incidente di awe marduga (cu NoticiaCla a raporta ariba caba) di e dama cu a haci denuncia di violacion sexual, tin atencion di gobierno. Minister di Husticia Andin Bikker durante un conferencia di prensa, no a duna mucho detaye, pero a bisa solamente cu a reuni riba e tema y cu ta trata di un turista, cu no ta hospedando na hotelnan hi-rise pero si riba nos isla pero na un cas local, a cera conoci cu un persona, y esey a desemboca mas marduga cu a base di e encuentro aki, e dama a bira victima di un crimen. “No ta asina cu e lo tabata cana riba beach of algo asina y un hende a bin dus atake” Bikker a bisa. Mas e mandatario no por a bisa. 

KICO A SOSODEFor di informacion cu NoticiaCla por a confirma di su fuentenan, ta trata di un dama Canades di 33 aña di edad, cu a topa cu un Mericano den e club nocturno Gusto, y a cana bay direccion laman cu ne. E dama aki lo tabata severamente intoxica y no por a corda mucho cos. E caso ta cu no ta trata di un persona local cu lo a comete e crimen aki, y canando riba beach ora cu el a keda viola. Informacion cu NoticiaCla tin ta cu a haya e dama 5 meter for di beach. 

FALTA DI INFORMACIONNotable ta cu mientras cu gobierno y polis a duna un conferencia di prensa, no por a duna casi nada di informacion. Entre otro, si e persona cu a comete e acto, ta deteni, y unda exacto e acto aki lo a tuma lugar. Hefe maximo di polis Andrew Hoo a bisa NoticiaCla solamente cu ta investigando y ta colectando informacion di e victima. Pero como cu e caso ta den pleno investigacion, no por duna mucho mas informacion. “Ta hopi prematuro pa duna mas informacion” Hoo a bisa. 

ISLA SIGURE mandatario a sigura cu nos beachnan ta sigur y cu maneho di gobierno ta pa percura pa tin hopi vigilancia y mas vigilancia riba caya y den area turistico. A sigura cu lo tin un post riba e parti crucero y tambe un mobil unit den e area turistico.