Minister ta desmenti di a manda carta pa descualifica cantante di caiso

Minister ta desmenti di a manda carta pa descualifica cantante di caiso

Posted on 02/8/2019 3:02 pm AST | Updated on 02/8/2019 3:04 pm AST

ORANJESTAD - Minister Chris Romero a desmenti categoricamente diabierna atardi tur rumor cu ta circulando tocante un supuesto carta cu e lo a manda Stichting MUSICA pa descualifica un of otro artista, for di e festival di Caiso & Soca Monarch 2019. Ta trata di entre otro e cantante Zyon King (cu presidente di hurado John Hassel a confirma ora cu a confront’e cu e number, cu no a logra clasifica pa e final di e Caiso y Soca Monarch 2019 y un otro cantante (pesey no tin su number poni aworaki:red). 

HURADO Y STRAFPUNTEN

Tabata John Hassel cu un rato prome na 24ora a confirma cu huradonan a laga e.o. Zyon afo, via strafpunten pasobra contenido di su cantica a sobrepasa regla di ofensa. E intencion tabata pa descualifik’e pero Hassel a splica cu esaki no ta posibel. A bay over e ora na sak’e pa via di votonan di castigo. Mes momento Hassel a desmenti tambe cu e lo a ricibi un carta di minister (Romero) cu e exigencia pa descualifica e cantante. 

KICO A PASATabata durante e prome anochi, cu e cantante cu ta bay bou di e number Zyon King, a canta contra algun periodista y specificamente e minister en cuestion, esta Chris Romero. Dado momento a usa te hasta e palabra ‘dom’. Ora cu e resultado di e finalistanan a bira conoci diahuebs anochi/diabierna marduga, y a nota cu e.o. Zyon King a keda afo, hunto cu un otro persona, a cuminsa cuestiona esaki. Esey pasobra su calypso tabata bon interpreta, pero e letranan tabata basta ‘pisa’. Tin e discussion awor kico e liña ta cu no por pasa ora cu den calypso/caiso ta ‘canta hende’. Ta normal cu cantantenan ta ‘canta’ hende, pero basta no bira ofensivo. Huradonan den e caso aki segun Hassel, a considera e letranan demasiado pisa,. REACCION MINISTERE mandatario en cuestion, (cu tabata den Carnival Village e anochi ey) diabierna a sigui reacciona, fuera di desmenti cu el a manda un carta na hurado. “ Como un carnavalista activo y cu semper a apoya fervientemente festivalnan di Caiso & Soca Monarch, Minister Chris Romero ta haya lamentabel cu e expresion cultural di mas grandi di Aruba, ta hayando un lus negativo door di ponencianan infunda di personanan cu menos bon intencion”. Ademas e declaracion ta bisac cu carnaval mester mantene su identidad como nos simbolo di alegria y celebracion unico cu nos ta celebra den armonia y union. “Politica nunca a mete y no lo permiti pa esaki ta e caso tampoco. Gabinete Wever-Croes ta mantene su mes bou di e reglanan di integridad y como tal hamas lo por ta involucra den e maneho di cualkier stichting of fundacion, specialmente di carnival. Ban sigui celebra Carnaval 65 den grandi, lagando tur controversia atras. Ban engrandece nos carnaval cu nos alegria y positivismo cu semper a caracterisa nos como Arubiano”, e mensahe a finalisa bisando. 

  • Diahuebs awor Oficina di Turismo na San Nicolas tin su re-apertura!

    Diahuebs awor Oficina di Turismo na San Nicolas tin su re-apertura!

    SAN NICOLAS– Diahuebs awor Oficina di Turismo na San Nicolas tin su re-apertura! Durante conferencia di prensa recientemente, minister di Turismo Dangui Oduber a anuncia cu otro siman diahuebs 25 di april lo tin e re-apertura di e Oficina di turismo na San Nicolas. E oficina den e ultimo lunanan a wordo renoba y transforma completamente haciendo uzo di hopi tecnologia y inovacion. Esaki sigur ta un hopi bon noticia pa e pueblo di San Nicolas. E oficina di Turismo lo fungi como e “visitor center” e centro di informacion pa e turistanan, aki e turista lo haya tur informacion di tur locual San Nicolas tin pa ofrese! segun e mandatario.

  • Oduber: Carta di specialistanan ta hopi duro cu acusacion fuerte

    Oduber: Carta di specialistanan ta hopi duro cu acusacion fuerte

    ORANJESTAD – Mientras cu e mandatario encarga cu salud, Dangui Oduber no a ricibi e carta oficialmente di specialistanan cu ta critica e directiva di hospital, e ta confirma pa NoticiaCla diahuebs, cu el a tuma nota di e contenido di e carta. Ta trata di e carta cu NoticiaCla a publica mas prome den dia unda cu e specialistanan ta bati alarma pa un situacion malo na hospital. “ E ta un carta hopi duro cu acusacionan fuerte den dje den direcion di bestuur di HOH” Oduber a sigui bisa e portal aki.

  • Wever: Procedura pa Ombudsman pronto bira realidad ta andando

    Wever: Procedura pa Ombudsman pronto bira realidad ta andando

    ORANJESTAD - Aruba pronto lo tin su propio Ombudsman. Ya caba e procedura ta andando pa Ombudsman pronto bira un realidad na nos pais tambe. Asina prome minister Evelyn Wever Croes a bisa den un comunicado diaranson. Wever-Croes a reuni cu señora Sahayra Kelly, kende ta e persona apunta como ‘kwartiermaker’ di  

  • Minister ta prefera paga multa, y denuncia Lotto

    Minister ta prefera paga multa, y denuncia  Lotto

    ORANJESTAD – Minister di deporte Dangui Oduber ta desafia menasa di hunta di supervision di Fundacion Lotto pa Deporte ( a opta pa publicamente menciona nomber di e miembronan cu ta VanEyte, Kock, Kamperveen, Janga), pa cobr’e multa impone, y cu e ta bay denuncia e corupcion den Lotto. E mandatario a referi na e sentencia di aña pasa cu ta duna Lotto ok pa impone multa si e mandatario ‘stroba’ e hunta di traha. Segun e minister e tin prueba cu e directiva a actua fraudulente y no ta bay keda keto. 

  • Oduber: Island Fest lo reemplaza Carubbean Fest na mei

    Oduber: Island Fest lo reemplaza Carubbean Fest na mei

    ORANJESTAD – Island Fest lo reemplaza Carubbian Festival y lo tin su prome edicion dia 29 di mei proximo. Asina minister di turismo Dangui Oduber a confirma dialuna mainta durante un conferencia di prensa. E intencion ta pa e bira un serie di evento diferente, un biaha pa luna y lo ta diferente den tur sentido di palabra. E mandatario no a duna mucho mas informacion. Mes momento a acusa ATA di ta hopi dejado door di a laga Carubbean Festival keto bay riba nan website. Algo cu no ta corecto segun e mandatario. 

  • Manifestantenan a exigi e.o, eleccion nobo pronto

    Manifestantenan a exigi e.o, eleccion nobo pronto

    ORANJESTAD – Un grupo di entre 250 pa 300 ciudadano a marcha bay rumbo Bestuurskantoor diabierna atardi, pa entrega un manifiesto na prome minister di Aruba Evelyn Wever Croes. ‘Pa motibo di e engaño electoral y pa motibo di tur e otro abusonan di poder cu MEP, POR y RED a y ta comete contra di Pueblo den nomber di pueblo di Aruba’, e grupo di manifestantenan lidera pa partido AVP, a exigi gabinete Evelyn Wever Croes pa cumpli cu por lo menos 8 punto, for di fecha di eleccion nobo, paro di introduccion di medida nobo, paro na persecucion politico, te pa para tur plan pa bende parti esencial di refineria. Un manifiesto di 2 pagina, tabata deliña e puntonan di e partido berde y e manifestantenan, cu splicacion y exigencia pa gabinete Wever Croes ehecuta e puntonan menciona.

  • eq3
  • Banco Di Caribe autos
  • Powered by SETAR