OM a revoca casaccion contra ex Presidente Banco Central di Corsou

OM a revoca casaccion contra ex Presidente Banco Central di Corsou

Posted on 02/8/2019 1:16 pm AST | Updated on 02/8/2019 1:22 pm AST

WILLEMSTAD – Ministerio Publico di Corsou y St Maarten a revoca e caso di casacion contra ex Presidente di Banco Central di Corsou y St Maarten sr Emsley Tromp. Cu esaki, Tromp ta keda completamente liber di tur acusacion y ta nifica tambe fin di e caso. Tabata Abogado General Angela cu diabierna mainta a anuncia e revocacion na e griffier interino. E caso di casacion a keda entrega dia 20 di December 2018, pa bringa e apelacion di e sentencia cu Tromp a gana anteriormente den e caso Saffir. E caso ta trata supuesto irregularidad di Tromp pa cu su declaracion di impuesto. Tanto den corte di prome instancia como di apelacion, Tromp a sali victorioso, y awor cu e revocacion di e casacion, e caso ta uno cera. 

  • Famia Dos Santos a ofrece 1 miyon dollar pa soluciona morto di Helmin Wiels

    Famia Dos Santos a ofrece 1 miyon dollar pa soluciona morto di Helmin Wiels

    WILLEMSTAD – Famia di e rifero Robbie Dos Santos a ofrece 1 miyon dollar na esun(nan) cu tin informacion valido di ken a participa den e morto di politico Helmin Wiels. Asina ruman homber y parlamentario Amparo Dos Santos a bisa den un conferencia di prensa diahuebs merdia. E unico forma cu e persona(nan) por comunica pa duna e informacion cu por conduci na soluciona e caso, ta via SMS of whatsapp. E number ta 59995210310. A pidi pa no yama e number of bishita ningun hende, pero manda e mensahenan, y un ekipo lo ta cla pa analisa e data y wak si e ta veridico y asina sigui pa por duna ministerio publico pa sikiera asina nan por yuda soluciona e caso. Esaki pasobra e famia a perde tur speransa den OM y Corte y no tin confiansa den ningun di dos. 

  • Jetair Caribbean a haya su Air Operating Certificate na Corsou

    Jetair Caribbean a haya su Air Operating Certificate na Corsou

    WILLEMSTAD- United Caribbean Airlines, operando comercialmente como Jetair Caribbean, a ricibi su licensia di operacion for di autoridad di aviacion civil di Corsou diamars. E asina yama Air Operating Certificate (AOC). Cu esaki, nan por efectua buelonan den e region for di Corsou. Nan lo cuminsa cu buelonan charter y na caminda lo tin buelonan commercial regular tambe. Ta tratando riba e papeleo necesario pa cuminsa cu e buelonan commercial regular, manera Jamaica y Sto Domingo, mientras cu destinacionan manera Colombia ta den tapara. 

  • Awe mainta na Corsou mudansa pa hospital nobo a cuminsa

    Awe mainta na Corsou mudansa pa hospital nobo a cuminsa

    OTROBANDA - Awe mainta e proseso di mudansa di Sint Elisabeth Hospital pa  Curaçao Medical Center a cuminsa. Manera informacion cu noticiacla.com a haya ta trata di un actividad grandi y historico. Via un slurf lo pasa pashent di forma cuidadoso di e hospital actual pa esun nobo. For di 7:30am e mudansa a cuminsa y lo culmina den careda di 6’or di atardi. Diahuebs anochi, minister di Salud Suzy Camelia a anuncia cu e mudansa por a cuminsa, debi cu tabatin discussion si e tabata cla pa habri of no. Interesante ta cu e mudansa y actividadnan rond di esaki ta wordo transmiti enbibo via Facebook di hospital Nobo Otrabanda y tambe e HNO TV channel via Youtube. Fuente y potret cortesia Purunchi. 

  • Cu Santo Sacrificio a cera e capitulo di hospital SEHOS na Corsou

    Cu Santo Sacrificio a cera e capitulo di hospital SEHOS na Corsou

    WILLEMSTAD.- Ayera  Sint Elizabeth Hospital (SEHOS) a cera e capitulo di un hospital cu pa 164 aña a duna cuido na pueblo di Antias Hulandes (incluyendo Aruba). “Amor pa prohimo a pone cu 164 aña pasa a Mrg Kieckens cu asistencia di Surnan Franciscano di Breda, a cuminsa cu St Elizabeth Gasthuis. Corsou tabata agradecido cu e inicio aki a crece bira un hospital completo cu por a a duna cuido na comunidad. P’esey e Santo Sacrificio di misa pa cera e capitulo aki cu a tuma lugar ayera den kapia di hospital. Loke a hala atencion tabata presencia di e prome asistente boticario di hospital, Sra Imelda Kroon (92). Diabierna ta muda pa e hospital nobo. 

  • Awe ta 52 aña pasa cu Juliana Brug a collapse na Corsou

    Awe ta 52 aña pasa cu Juliana Brug a collapse na Corsou

    WILLEMSTAD – Awe ta 52 aña pasa cu Juliana Brug na Corsou a collapse den oranan trempan di amintacausando morto di 15 trahado. Informacion ta bisa cu ta fundeshi no termina, afecta pa yobida fuerte e weekend prome a causa colapso dia 6 di november 1967. Rumor cu un error den weldermento lo a causa un stress di metal cu no a wanta e structura necesario. Awe e brug di 55 meter ta parti di imagen di Corsou y ta conecta Punta y Otrabanda.  

  • Caso di asesinato na Campo Alegre na Corsou

    Caso di asesinato na Campo Alegre na Corsou

    WILLEMSTAD – Corsou a conoce otro caso di asesinato. Informacion inicial ta indica cu un dama lo mester a tira un bewaker masculino den porta di Campo Alegre. Despues di su acto el a bandona e sitio. Den transcurso di dia lo tin mas informacion.

  • Powered by SETAR