WILLEMSTAD – “ Nos ta bai tin mas control y security” tabata e reaccion di miembro di Asosacion di Musico di Korsou (AMAK) Giovanni Atalita pa NoticiaCla diahuebs merdia riba e loke a sosode diaranson anochi durante festival di Tumba. Aki un persona (supuesto rapper conoci) a subi tarima y lo kier a busca problema cu e cantante Rocco Franken pa e tema cu e (Rocco:red) tabata presenta cu e rapper ‘Jaido’ tambe ta canta. Security y despues polis a tuma over y a detene e persona en cuestion. A base di esey, Atalita a reacciona cu e parti di seguridad.
BULERIA
Di parti di e gerencia di e banda, Jairo Evertsz a declara cu nan a mustra cu nan ta ok y no ta spera problema diabierna ora cu nan presenta durante e parti di final. E suseso tabata na parti final di e anochi diaranson ora cu Rocco y Buleria tabata entretene e publico pendiente di e resultado di e huradonan ora cu e persona en cuestion a subi tarima. Dado momento e persona a subi e tarima y papia cu e cantante di Buleria Rocco Franken. Esaki lo tabata un advertencia pa no sigui cu e cantica, sino cos lo ‘a bay mas leu’. Despues a sigui e cantica ora cu un biaha mas e persona aki, un rapper cu supuestamente ta pertenece na un gang di Corsou, a subi y lo a purba busca problema cu e cantante. Security a bin ariba y gara e persona y entrege na polis.
GANG
E portal aki a compronde cu esaki ta parti di un problema di gang cu tin na Corsou entre No Limit Soldiers y Army unda cu e situacion entre nan dos ta basta serio. Algun di e miembronan di e gang lo ta rappers conoci, y si cualkier cantante canta nan cantica, por haya menasa pa esaki. E persona cu a subi diaranson anochi, lo tabata pues miembro di un di e gangnan ey (Army) manera cu a keda splica. Por wak e potret y tambe dos video (fuente facebook).
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
ORANJESTAD - E di dos konferensia di trabou di SEA a tuma lugá awe i ayera na Kòrsou, unda tur isla di Karibe i Hulanda a partisipá. SEA, òf Aliansa Edukashonal Stratégiko, tin komo meta primario stimulá éksito den estudio i chèns igual pa studiante karibense. Ademas, a presta atenshon tambe na e prioridatnan di e proyekto SEA.
WILLEMSTAD – Juan Luis Guerra y 440, Maluma y Jennifer Hudson a keda añadi na e line up pa e proximo Curacao North Sea Jazz Festival na autustus proximo. Juan Luis Guerra ta presenta riba diabierna 30 di augustus y Maluma y Jennifer Hudson riba diasabra 31 di augustus. Fuera di e cantantenan grandi aki, tin Marc Anthony tambe y Eros Ramazoti cu ta presenta tambe durante e festival aki.
WILLEMSTAD – Mientras cu na Aruba, ta wardando kico Ministerio Publico ta bay haci cu e doño cu a maltrata su cacho Khaleesi, te cu e la muri, na Corsou, polis a detene un homber cu a tira un cacho mata. Tabata diadomingo pasa den e bario di Kanga, cu e homber aki di 31 aña a menasa un otro homber cu arma y maltrat’e y tira su cacho mata. E la bira fugitivo, pero finalmente diahuebs mainta 7’or polis a pone man riba dje na Suffisantweg. Despues a tene un entrada hudicial na su cas na Kanga. E homber ta deteni, pendiente e resultado di e investigacion.