Rocco y Chendel a pasa pa final di Tumba Corsou!

WILLEMSTAD - Tanto Roderick ‘Rocco’ Franken como Chendell Beamont di e banda Buleria di Aruba a pasa pa final di Festival di Tumba 2019 di Corsou pa diabierna awor. Nan a participa diaranson como e ultimonan den e prefinal y ambos a clasifica. Franken cu su tema ‘Bai Piki’ y Beamont cu ‘Tur gota ta konta’.  Ambos a ‘representa’ Aruba, y a sali ‘victorioso’ cu nan clasificacion. Franken tin e titulo caba di Rey di Tumba di Aruba pa 2019, y tin speculacion caba kico lo pasa si e gana esun di Corsou tambe. Aña pasa tambe nan a pasa pa final y a cay den e 10 finalistanan. Mester bisa cu e banda ta haciendo un maniobra interesante, participando den Tumba di Aruba, di Corsou, y tambe den Caiso y Soca Monarch. Si nan clasifica pa esun di Aruba, nan mester biaha atrobe diasabra trempan pa toca anochi den e final. Diasabra siman siman pasa nan a participa den Tumba Aruba, dialuna despues den Caiso y Soca Monarch, y biaha su manese pa Corsou pa participa pa Tumba Corsou. No imposibel pero si un reto logistico estilo un banda cu ta riba un gira internacional of regional. Potret screenshot PPV Cable TV.