Tur cos ta cla pa e di tres anochi di prefinal Caiso/Soca Monarch 2019

Tur cos ta cla pa e di tres anochi di prefinal Caiso/Soca Monarch 2019

Posted on 02/6/2019 5:36 pm AST | Updated on 02/6/2019 5:39 pm AST

SAN NICOLAS – Diaranson anochi ta e di tres anochi di e prefinals di Caiso & Soca Monarch Festival 2019 den Carnival & Entertainment Village, cu un total di 7 banda y 33 cancion. E diferencia di awenochi ta cu tur hende por bin cu nan stul di tela, pa asina nan haci nan mes mas comodo. Pa loke ta e artistanan, compara cu e anochi prome cu no tabatin hopi ‘conoci’ y un anochi basta bashi, diaranson ta diferente cu nombernan grandi manera Claudius Philips Jr, Valentino King, Dr Hook y The Baron. Fuera di esey, lo tin e legendarionan di tur tempo, Musical Time cu nan elenco Lorch Cachete, Lady K, Long Roy y King Chicho. Tur ta presenta awe nochi cu ta haci e anochi uno hopi interesante. 

STUL

Pa loke ta e asunto di stul, manera NoticiaCla a raporta anteriormente, tabata durante un conferencia di prensa diaranson merdia cu presidente di MUSICA (responsabel pa organisacion di e festival:red), Edwina Werleman a haci e anuncio cu despues di deliberacion, a dicidi cu ta permiti stulnan di tela drenta. Ademas a anuncia tambe cu pa diasabra awor por cumpra carchi separa, compara cu e posibilidad di solamente cumpra pakete pa henter siman. Entrante diahuebs ta cuminsa bende carchi ‘singular’ na balor di 50 florin, y 60 florin na porta diasabra. E carchinan singular ta optenibel na tur CITGO gas stations. Check e lista di participante AKI. 

  • Hebbe Hebbe Festival ta muda bay Harbour Arena e aña aki

    Hebbe Hebbe Festival ta muda bay Harbour Arena e aña aki

    ORANJESTAD – E aña aki e Hebbe Hebbe Festival muda di Postkantoor y ta bay Harbour Arena. E organisador principal Manuel da Silva a confirma esaki pa NoticiaCla diasabra atardi. Segun da Silva, Smac a ofrece nan e sitio aki ya cu nan tine reserva pa temporada di carnival. Alavez segun da Silva, e ta mas atractivo pa loke ta espacio tambe pa parkeer, loke tabata un problema na Postkantoor ultimo añanan ora cu e festival a bira mucho grandi. Autonan tabata parkeer den tur e hanchinan y esey a bira un problema. Pa e bandananan tambe e tabata un problema. Ora cu a ofrece e organisadornan esaki, e ta miho pa arma esaki miho pa loke ta arma y torno e sitio pa e concierto. E festival ta tuma lugar dia 1 di maart proximo y lo anuncia e line up di bandanan proximamente. E aña aki Hebbe Hebbe ta celebra su di 21 anniversario, despues cu a cuminsa cu e festival aki na 1998. 

  • Cantante popular ‘Blacky’ a bandona e banda Tsunami

    Cantante popular ‘Blacky’ a bandona e banda Tsunami

    ORANJESTAD – E topico di dia den ambiente Carnavalesco, ta e hecho cu e cantante popular Mervin Baptiste, miho conoci artisticamente como Blacky, a bandona e banda popular Tsunami. Den oranan di atardi, despues di hopi rumor, e banda mes a saca un declaracion confirmando ‘un ke otro’. Segun Tsunami, cu Blacky a ‘ bandona e banda Tsunami despues di 3 aña di a forma parti di e banda’. A mustra cu ‘semper a traha como un famia den tempo bon y malo. Semper a saca man pa nos musico na momento dificil’. Finalmente, ta bisa cu nan ta respeta decision di Blacky y ta desea su persona tur clase di exito  den su next mission’. Pa loke ta Blacky mes, no ta conoci kico e ta bay haci, ni cu ken e ta bay milita awor, aunke un potret a circula riba Facebook, cu e ta bek cu su banda bieu, esta Le Groove. 

  • SETAR di bishita na Centro di Bario Playa Pabou

    SETAR di bishita na Centro di Bario Playa Pabou

    (ADVERTORIAL)

  • Famia Planea y Cool FM 98.9 cu regalo pa Valentine’s Day

    Famia Planea y Cool FM 98.9 cu regalo pa Valentine’s Day

    ORANJESTAD - Diaranzon atardi dilanti Cool FM 98.9 na Cumana a cuminsa duna regalo na tur esnan cu a pasa dilanti e radio. Tur cos promoviendo e campania “Ami ta dicidi” Grandi y chikito a ricibi sea un pechi, lanyard, tshirt of un detaye. Famia planea a keda contento cu e promotion cu nan a ricibi.

  • SETAR a bishita Abraham de Veer School pa projecto di Hack-A-Thon

    SETAR a bishita Abraham de Veer School pa projecto di  Hack-A-Thon

    ORANJESTAD - Manera ta conoci, SETAR a lansa un projecto “Island of the Future - Agriculture” den un concepto Hack-A-Ton, den cual a invita varios scol secundario pa forma parti di dje. Den e projecto único aki, 6 scol a acepta e reto di hasi un projecto di agricultura, unda e meta ta pa e isla por bira ‘self sustainable’ y alaves crea interés den e muchanan pa nan tambe planta nan mesun berdura na cas. Awor ta asina leu cu SETAR su team ta bishitando e diferente scolnan participando pa mira con nan projecto ta canando. E siman aki a toca turno di Gen. Maj. Abraham de Veer School cu ta un di e scolnan participante cu un team di 7 mucha.

  • Garage Cordia a haci donacion na Special Olympics

    Garage Cordia a haci donacion na Special Olympics

    ORANJESTAD - E aña aki un biaha mas atletanan di Special Olympics lo representa Aruba den exterior y e biaha aki na Abu Dhabi. Garage Cordia a haci un donacion pa yuda sostene e delegacion.

  • Powered by SETAR