Trahadonan di refineria Isla rabia riba premier Rhuggenaath

WILLEMSTAD – Tabatin rijnan largo di auto dilanti pompstacionan na Corsou diamars, despues cu dialuna anochi a bira conoci cu negosacionan entre Refineria di Korsou y Motiva Enterprises di Merca a para ‘per direct’. MOTIVA tabata e candidato preferencial cu lo a tuma e exploitacion di e refineria Isla over fin di e aña aki. Kim Hendriksen di e partner di noticia di NoticiaCla, Caribisch Netwerk a resumi e situacion volatile na Corsou di e ultimo 48 hora. 

GASOLINE

Mesora a cuminsa un core core riba gasoline y diesel na e pompstacion pa miedo cu e trahadonan rabia di Isla por a boycotea e distribucion di gasoline pa e pompnan di gasoline. E emocionan a lanta diamars anochi, durante un reunion urgente den edificio di PWFC cu prome minister di Corsou Eugene Rhuggenaath. Despues di dos ora di contesta pregunta, diripiente e ta bandona e discussion. Esey a causa rabia cerca e trahadonan welgando. 

CONTRACT

E contracto cu PDVSA ta termina fin di e aña aki. Comienso di aña pasa e contracto cu Guangdong Zhenrong Energy (GZE), e compania Chines, a keda cancela. Y dialuna gobierno a informa cu a para negosacion cu Motiva. Ta comprendibel cu 11 luna pa haya un reemplasante, a trece preocupacion cerca e trahadonan.  “Nos a haci e premier algun pregunta, for di sindicato. Dos pregunta importante tabata cu Clift Christiaans (encarga cu e team multidisciplinario pa negosha ) no ta haci un bon trabou y e pregunta ta keda con e futuro di e refineria ta mustra” lider di PWFC Angelo Meyer a bisa. 

SALARIO

Despues di april, tin e problema cu no tin zeta crudo pa procesa pa cual e salarionan no por wordo paga. “Nos tin e sentimento fastioso y esey ta toca no solamente nos pero tambe nos famia y tur otro hende na Corsou cu ta depende di e refineria” un trahado demotiva a bisa. Un otro persona a bisa cu e ta considera ‘onbeschoft’ cu prome minister ta bandona sala asina. “Algo asina nos no ta tuma”. 

PROTESTA

Un grupo di trahado rabia ta bay Forti despues di reunion y kier exigi contesta riba e preguntanan pendiente. Pero nan no ta haya Parlamento pa papia cune. 

BLOKEO

Manera NoticiaCla a raporta despues diaranson, Corsou a lanta blokia cu yen di vehiculo y hende ubica na puntonan strategico di e isla, strobando trafico di tal forma cu el a causa un chaos grandi diaranson mainta. Mientrastanto diaranson atardi, polis ta riba alerta y posiciona na skinanan strategico y no tin mucho cos, aunke cu e welga ta sigui. 

Fuente: Caribisch Netwerk    Autor y foto Kim Hendriksen