Investigacion di fraude na DIP a resulta den tres suspencion

ORANJESTAD – Tin por lo menos 3 persona suspendi na Directie Infrastructuur en Planning (DIP), relaciona cu un caso di posibel fraude cu tereno. Fuentenan cerca di e proceso a confirma pa NoticiaCla diaranson merdia cu no ta descarta cu mas suspencion lo cay den e dianan nos dilanti. Mes momento e portal aki a compronde cu tin un grupo forensico di Hulanda envolvi den e investigacion aki. “Ta trata di un investigacion grandi” otro fuente cu a papia riba condicion di anonimidad. E motibo exacto pa cual e tres personanan aki ta suspendi, no ta conoci pero ta trata posiblemente cu asunto di tereno. NoticiaCla ta trahando riba e asunto y ta pendiente mas informacion.