Parti di Corsou a lanta blokia awe pa motibo di accion

WILLEMSTAD – Parti di Corsou a lanta blokia awe, como consecuencia di e welga di e trahadonan di refineria Isla. Varios parti strategico a keda blokia cu auto, truck y te hasta tire na candela y tambe cadena humano. E blokeo a cuminsa for di oranan tempran di marduga. Esey a pone cu hopi hende no por a mobilisa den trafico diaranson mainta. Motibo di welga ta e inseguridad di e trahadonan cu nan ta keda cu nan trabou. E siman aki combersacionan cu un compania potencial pa tuma e refineria over fin di aña a cay na awa. Esey a trece inseguridad cerca e trahadonan. Un intento di Prome Minister Eugene Rhuggenaath pa reuni cu e dos sindicatonan PWFC no a duna e resultado necesario cu a pone cu cosnan a escala. Esaki pasobra peticion pa retira Clift Christiaan (negoshando pa haya partnernan pa Isla) y pa nombra Errol Cova como parti di e team negosahado a keda sin contesta. Potretnan cortesia Dick Drayer.