Ekipo di Hulanda preparando pa diabierna!

RIO / ORANJESTAD - E ekipo hulandes di futbol na Rio, ta preparando pa nan prome wega contra Spanja den e mundial di futbol cu ta cuminsa diahuebs awo. Van Persie y Janmaat ta pertenece den e oncena su formacion basico di 11 y lo ta parti di e ekipo cu ta habri den e wega diabierna. Tur e 23 hungadornan a entrena awe tras di porta sera riba e compleho di Flamengo tras di porta sera. Tabata obvio cu e entrenador di ekipo Louis van Gaal no tabata kier pa hende wak e entrenamiento aki y a sera e portanan. Van Persie durante un conferencia di prensa, a laga sa cu e tin hopi anja hungando cu dolor caba pues e dolor cu e sa sinti, no ta nada particular. Hulanda contrario na anjanan anterior, no ta un faborito, aunke e ekipo mes tin basta confiansa den nan potencial. E ekipo di Spanja ta practicamente e mesun di 4 anja pasa, ora cu nan a sali campeon. Nan a gana e copa Europa tambe. Pues nan ta den bon condicion. Esun di Hulanda, ta un ekipo practicamente nobo, sin hopi experiencia. Pero asina mes nan ta mira cu nan tin basta chens si nan hunga manera mester ta.