Abogado: Interes di minister ta prevalence awor riba esun di director Staring

ORANJESTAD - Juez a hasi un belangenafweging y a dicidi cu aworaki esun di Minister ta prevalece ariba esun di Staring pa reanuda di nobo cu su trabounan como directeur. Tambe ta hunga un rol cu e ta sigui wordo paga y por ejerce otro trabounan. Sin embargo Juez ta indica na final cu den e proximo siman nan Minister lo mester tuma stapnan concreto en cuanto e posicion legal di Staring pa asina evita un tercer prolongacion. Asina e abogado di e director di DVG Jerry Staring Evelyn Cafarzuza a bisa NoticiaCla riba e caso cu a keda publica ayera. 

SCHORSING

Manera conoci Sr. Staring a wordo geschorst door di Minister di Salud Dangui Oduber. Staring a bai en contra di e desicion aki. E decision pa toegangsontzegging  a wordo geschorst door di Huez pendiente cu dicidi ariba esaki den instancia mas halto. E mesun dia di e decision aki. esta ariba 1 di juli 2017 Sr. Staring, pa medio di decision di Minister a wordo duna opdracht pa bai hasi otro trabounan como beleidsadviseur/beleidsmedewerker cu no tin di haber cu su functie como directeur. Esaki basa ariba articulo 52 LMA y pa un duracion di 12 siman. E decision aki a wordo prolonga atrobe ariba 1 di oktober 2018 y 15 di januari 2019. Contra e di dos prolongacion aki Staring a bai corte atrobe alegando cu uso di articulo 52 LMA ta algo temporario. Inmiddels e toegangsontzegging duna door di Minister a wordo ingetrokken door di Minister mes.

QUICKSCAN

Durante e caso Minister a verwijs na un Quickscan cu lo a wordo hasi ultimo cu cierto resultadonan di e funcionamento na DVG. Huez a menciona den su decision cu esaki ta a base di decision nan anterior duna den e caso aki, cu ta wordo spera door di Minister pa motiva nan decisionan mihor y cu Minister no a sa di demostra ki stapnan concreto a wordo tuma despues di e resultado nan di e Quickscan. Sin embargo Juez ta bisa cu e motivacion aki por wordo drecha den un bodemprocedure. 

Juez tambe ta di opinion cu articulo 52 LMA tin un caracter temporario y e intencion no ta cu cada rato ta prolonga esaki. Ta keda na Minister pa zorg cu no cada vez tin cu verleng di nobo. Minister sin embargo a menciona durante e tratamento cu ainda ta wardando ariba advies di DRH en cuanto e Quickscan aki y cu management team mester haya e espacio pa nan finaliza investigacion locual lo bira dificil si Staring cuminza di nobo cu funcion como directeur.