Desvelo di muraya di leyendanan di Carnaval a tuma lugar dialuna

SAN NICOLAS – Dialuna atardi gobierno di Aruba a desvela e muraya di leyenda carnavalesco na Carnival & Entertainment Village. Fuera di a desvela e muraya cu tur e nombernan, a oficialmente inaugural e village cu ya pa algun aña ta fungiendo como e centro di atraccion carnavalezco pariba di brug. E evento a tuma lugar un rato prome cu e prome anochi di prefinal di Caiso y Soca Monarch 2019 a inicia. 

RECONOCEMENTO

Durante e anochi, a duna honor na grandinan di carnaval, den forma di reconoce algun personalidad cu a sa di engrandece nos carnaval. Nombernan di entre otro Roberto Geerman, Jubi Naar, Juan Carlos Hill y Lenny Denz tabata algun di esnan cu a ricibi nan reconocemento bon mereci. 

POLEMICA CU NOMBER 

Loke a bira un polemica un rato, tabata e hecho cu tabatin fayo riba e borchi, pero cu a keda remedia prome cu e desvelo tuma lugar. Ainda sinembargo tin cierto nomber cu no ta corectamente poni, pero ta spera cu esaki keda remedia.