Oduber: Investigacion ta mustra cu Staring no ta apto pa su trabou

ORANJESTAD – E investigacion (doorlichting) cu  minister di Salud Dangui Oduber a pidi pa loke ta e trabou di director di Directie Volks Gezondheid (DVG) esta Jerry Staring ta cla y ta confirma cu Staring no ta apto pa e funcion. Asina e mandatario a confirma pa NoticiaCla dialuna mainta. E investigacion a cuminsa mitar di aña pasa y awor ta complete pues. 

DOORLICHTING 

E doorlichting, esta e investigacion , segun e mandatario, tabata necesario pa investiga kico tur tabata sosodiendo den e departamento y cu lo a causa asina hopi disgusto entre trahadonan. Aki tin un discrepancia entre e director y tambe e departamento riba e cantidad di persona cu lo a entrega keho, versus e cantidad total di hende cu ta traha bou di e director. E mandatario no a bisa si kico lo haci cu e director awor cu e resultado di e investigacion ta conoci. 

CASONAN

Despues cu a prohibi Staring di drenta e departamento, a bay corte y aki tabatin varios sentencia, tanto pro y contra Staring. Entre nan, por a laga Staring drenta e departamento bek, pero si no pa e eherce su funcion di director. Aki tambe tabatin varios caso unda cu Staring a perde esakinan tambe. A bay corte despues pa bringa e tipo di trabou cu e mester a haci y a culpa e mandatario di abuso di poder di e mandatario. Aki tambe Staring no tabata victorioso.