Imagen di Aruba a pasa den propaganda durante Super Bowl ayera

ATLANTA – Un pida imagen di Aruba a pasa den un propaganda durante e wega di Superbowl 53 diadomingo anochi. Ta trata di e marca di biña renombra  ‘Yellow Tail Wine’, cu a usa imagen di un campaña cu nan a tene na 2018. Pa e campaña, nan a selecta 2 ganador, di cual uno tabatin imagen di Aruba. Durante e propaganda, por a mira mira un persona ta  colga na cabuya pa sambuya den laman na Aruba. E campaña tabata yama ‘Tastes Like Happy’.

E CAMPAÑA

Tabata na november di aña pasa cu a pidi fanaticonan comparti nan video mustrando kico ta haci nan ‘happy’. Nan a ricibi mas di 1500 respuesta. E runnerup tabata Katherine Nunez cu a manda e video filma na Aruba durante su luna di miel.

COBERTURA

Tene cuenta cu durante e wega di Superbowl, e cobertura mundial ta enorme, y cada propaganda ta costa alrededor di mei miyon dollar. Como tal ta pasa e miho propagandanan posibel pa asina haya e miho cobertura posibel. Na 2015, casi 115 miyon hende a wak e wega na Merca y e gastonan pa un commercial a bira aproximadamente 4.5 miyon dollar pa un propaganda di 30 seconde.