Hulanda a reconoce Juan Guaidó como presidente di Venezuela

DEN HAAG – Hulanda dialuna formalmente a reconoce Juan Guaidó como presidente interino di Venezuela. Hunto cu otro paisnan Europeo, esaki a sosode, manera Spaña, Alemania, Francia, Austria y Dinamaca. E prome pa a haci e reconocemento tabata Inglatera. Tabata minister Stef Blok cu den un carta pa Tweede Kamer a laga sa cu e gabinete Hulandes a dicidi di reconoce Guaidó, pasobra cu Nicolas Maduro ‘no a cumpli cu e ultimatum’,  e portal Hulandes N.O.S. ta raporta awe mainta. Awe mainta prome minister di Aruba Evelyn Wever ta duna mas informacion durante e conferencia bisemanal di gobierno. Den un declaracion awe mainta ainda sinembargo, Wever tabata referi na e hecho cu Hulanda ‘lo bay reconoce’.

DECLARACION WEVER

“ Hulanda, mescos cu algun pais grandi di EU, ta bai reconose sr. Guaido como presidente di Venezuela” Wever a bisa awe mainta. “ Pa awor no tin ningun cambio premira pa nos na Aruba.  Awor ta bin un periodo poco confuso y mester wak con e ta cristalisa. Nos ta sigi e situacion di serca. Mi lo duna mas informacion durante conferencia di prensa di Gobierno 10or awe mainta” e mandatario a finalisa bisando.