Update fotografico di caso di hincamento na Playa atardi

ORANJESTAD - Manera cu NoticiaCla a raporta caba, awe diadomingo atardi pa 4.10 Centrale di Polis a haya un yamada di Central di Alarma poniendonan na altura cu un hincamento a tuma luga na altura di Cas Di Cultura. Mientrastanto tin mas potret cu NoticiaCla por comparti di e caso aworaki. Pa loke ta e caso, ora a tende di e caso, a despacha patruyanan pa dicho lugar. Eynan ta bin encontra un mucha homber hinca cu a declara cu tres mucha homber a hinke y a duna descripcion di e tres sospechosonan. Mesora otro patruyanan a cuminsa un buskeda den vecindario. Un rato despues Rapid Response Team ta meld na Central di Polis cu den Anastraat nan a encontra e mucha hombernan cu ta cuadra cu e descripcion y ta detenenan hunto cu un mucha muhe y a hibanan warda di polis pendiente di mas investigacion.