Fundacion Parke Nacional Aruba a cambia statuut

ORANJESTAD  – Diahuebs ultimo Fundacion Parke Nacional Aruba a dal un paso importante den e trayecto di profesionalisacion di e organisacion. Asina e fundacion a informa diabierna pa medio di un comunicado. Pa medio di un cambio di statuut den presencia di notario Rodiguez-Taekema e fundacion conoce desde 1 di februari un maneho profesional y un comite consultativo. FPNA ta un fundacion independiente, cu tin un gran parti di Aruba den su maneho. E encargo aki ta bira mas grandi y compleho cu yegada di parke marino y 16 otro area proteha y ta e motibo pakico ta trece cambio tanto den e structura di maneho como den e organisacion mes tambe. E pasamento di acta a tuma luga den presencia di e minister encarga cu asuntonan di medio ambiente, Sr. O. Oduber. Tambe tabata presente Sra. Natasha Silva, kende a keda nombra como miembro di e fundacion den e funcion di Chief Conservation Officer. E siguiente pasonan den e trayecto ta pa busca y nombra un CEO, desaroya un structura organisatorio nobo y cera un combenio di maneho cu Pais Aruba.

HISTORIA PREVIO

Medio an?a 2018 fundacion FPNA a haya un directiva nobo, despues cu e miembronan di directiva anterior a dicidi di pone nan funcionnan abou. Conforme e statuutnan Corte den Prome Instancia di Aruba a nombra un directiva interino dia 22 di juni.

Dia 31 di juli e directiva interino riba peticion di hues a duna conseho pa e situacion di e fundacion y a duna recomendacion pa e progreso.

E hues a bay di acuerdo cu e consehonan aki y a haya importante pa nombra un directiva di fundacion di maneho fuerte, mirando e problematica largo di maneho cu e fundacion tabata confronta (y tambe mirando e intencionnan di maneho ambicioso). Pa e motibonan aki e hues a nombra e miembronan di e directiva interino na disposicion di 17 di augustus 2018 como miembronan di directiva (pa tempo indefini) di FPNA. Desde e fecha aki e directiva ta consisti di e cabayeronan F.J. Refunjol, presidente, J.M. Lacle?, vice presidente, N.L. Kuipe?ri, tesorero y Sra. H.A. van der Wal, secretario. Dia 4 di october e directiva a nombra Sra. Sanju Luidens- Daryanani como e di cinco miembro di directiva.

CONSEHO NA HUES

Desde su entrada na augustus e directiva nobo a inicia na un forma dinamico cu realisacion di e conseho di dia 31 juli 2018 y a cuminsa cu:

1. Realisacion di un structura di maneho y di administracion efectivo y profesional pa e

fundacion, den cua e introduccion di un directiva profesional y un Comite Consultativo

(structura di maneho two tier);

2. Formulacion y implementacion di e reglanan di Good Govenance, na cua ta pertenece

trahamento di e disen?onan di profiel y e reglamentonan pa (e miembronan di) directiva,

Comite Consultativo y e Comision di Control Financiero (Audit);

3. Recuperacion di e retrasonan relaciona cu e posicion huridico di e personal, tenemento di un

referendum y preparacion pa e negociacionnan di CAO (esaki tabata 16 an?a pending caba), formacion di un structura organisatorio nobo, descripcion di funcion y structuracion di salario;

4. Adaptacion di e organisacion y e statuutnan na e tareanan y terenonan nobo cu ta bay cay bou di e maneho di FPNA (manera parke marino, e 16 areanan proteha y otro area di naturalesa indica);

5. Ceramento di un combenio di maneho cu Pais Aruba;

6. Recuperacion di e relacion y cooperacion cu diferente partner y stake holder nacional y internacional, entre nan Pais Aruba, Dutch Caribbean Nature Alliance y Union Europeo;

7. Formulacion y actualisacion di e plannan di maneho pa e diferente areanan y percura cu ta bini supervision adecuado.

E consehonan pa e hues ta dispuesto pa publico y ta riba e website di FPNA

DUTCH CARIBBEAN NATURE ALLIANCE

Ta importante pa menciona cu Dutch Caribbean Nature Alliance ta paga e gastonan di e reorganisacion. FPNA ta miembro di e organisacion aki cu ta instala pa promove cooperacion entre e paisnan Cariben?o di Reino riba tereno di proteccion di naturalesa.

Aporte grandi di personal

A traha ultimo tempo principalmente tambe na regla asunto denter di e fundacion y restablece trankilidad y stabilidad. Durante esaki e directiva por a conta cu e aporte enorme y profesionalismo di e miembronan di e team di maneho di FPNA, kendenan incansablemente a sostene e directiva den e implementacion di e plannan ambicioso. E directiva por a conta tambe cu e aporte di henter e personal, kendenan mientrastanto a percura cu e bishitantenan di e parke por a disfruta di e beyesa di e naturalesa.