Comandante MKZ: Anacondanan militar no tin di haber cu situacion Venezuela

ORANJESTAD / WILLEMSTAD – E autonan Anaconda cu a yega Corsou (y tambe despues Aruba), no tin nada di haber cu e situacion di Venezuela. Asina comandante di Mariniers Kazerne na Savaneta Timon van Dishoeck a confirma pa NoticiaCla. E potretnan a haya un bida riba su mes, informando como si fuera ta preparacion pa loke ta spera nos na Venezuela. “E anacondanan aki ta bin Aruba y Corsou y ta reemplasa e autonan SUV Mercedes Benz. E no tin nada di haber cu Venezuela pero ta parti di un trayecto di reemplazo” e comandante a sigui bisa. For di defensa Hulandes, NoticiaCla a compronde cu for di Còrsou lo entrega e Anacondanan pa Aruba y Sint Maarten.