Codigo Civil nobo pega 10 aña pa motibo di union civil mesun sexo

ORANJESTAD – Despues di 10 aña e Codigo Civil renoba di Aruba ainda no ta na vigor. Discusion riba e asina yama ‘union civil’ osea geregistreerd partnerschap pa establecimento di e mesun sexo, ta den caminda. Asina e partner di noticia di e portal aki, Caribisch Netwerk ta raporta. Carlos Bollen, docente privaatrecht na Universidad di Aruba ta haya cu gobierno mester tin e durf pa introduce e codigo civil nobo. Parlamento di Aruba na 2016 ya a aproba e version nobo.  Bollen a forma parti di e commission na 2009 cu a huzga e concepto di e text. “Pero hende no ta durf di trata e ‘union civil’ di mesun sexo. 

Na 2016 durante tratamento di e codigo civil nobo, parlamento cu un mayoria chikito a acepta un amienda pa union civil. Cu esaki parehanan di mesun sexo por a formalisa nan relacion huridicamente. Esaki sin cu nan mester a casa cu otro. Pareha di mesun sexo no por casa na Aruba, pero si por registra nan casamento den exterior,   den e registro matrimonial. Y e ora nan tin e mesun derecho cu parehanan casa hetero. Pero esun cu no kier casa ainda, mester warda ainda riba derecho igual. 

Un persona cu e portal CN a papia cune, ‘Karen’, (nomber ficticio) a bisa den e articulo cu e lema di One Happy Island, mester cambia pa ‘One Happy Island except if you’re gay’. Karen, cu ta Arubiano, ta desapunta den e retraso. E kier a keda anonimo pasobra e ta ambtenaar y e tin miedo cu su declaracion por tin consecuencia pa su trabou y tambe con hende lo trat’e despues. E ta wardando riba e union civil pasobra e kier sigura su future cu su pareha, manera riba tereno di pensioen. “Mi por corda e simanan cu nos a sinta oranan largo den Parlamento pa tratamento di e ley nobo aki. Y ainda nos ta wardando. E no ta haya ta husto, cu ora cu bo ta un pareha homosexuyal, cu bo tin e posiblidad pa casa na Bonaire (cerca di Aruba), (no por casa na Corsou tampoco si bo ta homosexual). “Por ta e ta un asunto religioso of politico. Pero loke cu mi ta sigur di dje ta cu nos tur merece di tin e mesun derecho”. 

Banda di su relacion propio, e ta mira cu su amigonan homosexual no kier biaha pa Bonaire pasobra esaki ta mucho caro. Of simplemente pasobra nan kier scohe pa e union civil. 

Idiotes

Tanto Directie Wetgeving en Juridische Zaken y politico Desiree de Sousa Croes, iniciador di e union civil, a confirma pa CN cu e introduction di e codigo civil nobo ta pega na gobierno debi na un ‘discussion prolonga’. De Sousa ta haye un idiotes cu e ta para pa motibo di e topico aki. “Ta increibel cu e expansion di obligacion di alimentacion, introduccion di e meldpunt kindermisbruik, cambionan den beneficio di e consumidor, y 800 otro cambionan cu ta existi den otro parti di Reino, si ta existi, pero ta pega debi na e union civil”. Diariamento e tin (como abogado) di haber cu clientenan cu ta perhudica pa e codigo anticua. 

Cu e version actual di e Codigo Civil (introduci na 2002, unda cu no tur cos a keda traspasa di e codigo civil anterio, Aruba su legislacion ta esun mas atrasa den Reino. Un parti manera e derecho di herencia, y e derecho di huur, ta basa riba e legislacion Hulandes di aña 1900. E codigo civil nobo tin cambionan grandi. Entre otro e paternidad ta wordo legalmente estableci, y e derecho di herencia ta wordo adpata cu bo por deshereda un miembro di famia. Tambe, e parti un ‘sla’ corectivo cerca educacion di mucha, mescos cu na Hulanda, ta prohibi. 

Fuente: Caribisch Netwerk.  Autor; Bobby Spier