Rusia a desmenti cu avion a bin busca baranan di oro na Venezuela

MOSCU/CARACAS – Autoridad Ruso a desmenti diaranson cu a manda un avion pa colecta 20 tonelada di oro for di Banco Central di Venezuela diaranson. Ta trata di 840 miyon dollar na reserva di oro. Parlamento Venezolano mesora a bisa cu nan a ricibi un mensahe di e banco cu un avion diMosco a yega Caracas pa colecta 20 tonelada di oro, ekivalente na 20% di e pertencencia bancario.  “Nos ta demanda pa e banco revela detayes di loke ta sosodiendo. E placa no ta pertenece na Calixto Ortega (e hefe di e banco)” e tweet a bisa. Sinembargo vocero di Kremlin (gobierno Ruso)  Dmitry Peskov a bisa diaranson cu e no ta na altura di un plan pa trece oro pa Moscu”. Segun Peskov, Rusia ta preparando pa yuda resolve e situacion politico (na Venezuela), den cualkier forma sin interferi den e pais su asuntonan interno. 

E AVION

E corant Ruso Novaya Gazeta a raporta cu un avion bashi a biaha pa di Moscu pa Caracas. E Boeing 777 cu espacio pa 400 pasahero, y perteneciendo na Nordwind Airlines, tabata staciona aleha riba e tarima  na aeropuerto di Caracas. 

SPECULACION

E biahe aki a causa hopi speculacion manera cu e avion a trece mercenario, of cu a bin pa escolta e presidente Maduro den exilio. E minister di finanza Venezolano Simon Zerpa a desmenti cu tabatin avion Ruso na aeropeurto di Caracas, no obstante e potretnan.