AZV Oranjestad ta keda cera te cu proximo aviso

ORANJESTAD - AZV Oranjestad ta keda cera te cu proximo aviso. Asina un comunicado di AZV a informa diaranson atardi. Segun e comunicado, AZV a notifica comunidad di Aruba henter cu debi na e trabounan di instalacion di airco nobo y renobacion di e oficina di AZV Oranjestad, AZV Oranjestad na Rumbastraat 21 ta keda cera te cu proximo aviso. E intencion tabata pa e trabounan caba pa 31 di januari 2019. E trabounan a cuminsa 3 di December di 2019 y mester a tuma dos luna di trabou. “Nos ta lamenta cu no a keda cla ainda cu e trabounan y pa servicio nos ta pidi tur asegurado pa keda acudi na AZV San Nicolas (den Instituto Medico San Nicolas) of AZV Noord (den edificio MFA na Noord). Di antemano masha danki pa e comprencion” e comunicado ta finalisa bisando.