Ex premier Schotte a perde caso di miembrecia di Parlamento den corte di apelacion

WILLEMSTAD – Ex premier Gerrit Schotte a perde su caso den apelacion diaranson, riba su miembrecia di Parlamento. Den un sentencia di 8 pagina, e tres huesnan a bisa cu contrario na e pensamento di Schotte, esta cu e ley cu ta trata e topico no a drenta na vigor ainda, tin un ley aun mas halto den constitucion cu si ta activa e ley corespondiente, pa cual e ponencia di Schotte ta nulo. Schotte ta cita e Landsverordening articulo 81 hunto cu articulo 6, e ley ta drenta na vigor riba un termino ainda no determina. Sinembargo, Corte di apelacion ta cita e articulo 60b di Rijkswet, cu ta trata adaptacion di constitucion di Antias ora cu esaki a keda desolvi. Y esey ta determina cu e Landsverordening cu segun Schotte no a drenta na vigor ainda, debidamente a drenta vigor mei anochi dia 10 di October 2010. Y basa riba esey, e argumento di Schotte, ta nulo. Lesa e sentencia AKI.