Corte: InselAir mester kita beslag asina interCaribbean duna garantia di banco

WILLEMSTAD – InselAir mester kita e beslag riba interCaribbean asina cu e ricibi e garantia di banco di 500 mil dollar di interCaribbean. Asina corte a dicta den un caso sumario diaranson mainta cu e aeroliña interCaribbean a entama.  E cancelacion mester tuma lugar pasobra segun interCaribbean, e beslag ta pone e aeroliña sufri daño serio. Entre nan, mester a cancela tur su buelonan pa St Maarten. Di otro banda, corte a bisa cu e garantia di banco mester tuma lugar pasobra e aeroliña a keda den ‘default’ di e sentencia na December ultimo. Eynan a dicta cu mester a presenta suficiente fondo pa garantisa e acuerdo di e creditornan, sino e ta haya un multa di mei miyon. Corte ta haya cu ta importante pa e sentencianan wordo cumpli cune, pero ta compronde cu si den un eventual apelacion e sentencia ey keda destrui, interCaribbean no por haya e multa paga na InselAir bek. E peticion di InselAir pa tuma e accionan di e compania, y pa pone placa y avionan na disposicion di InselAir a keda rechasa pa huez. Esaki pasobra den pasado caba a rechasa e peticion ey.  Lesa e sentencia AKI.