SAC: Ta un solo permiso di carnaval tin, y no dos

ORANJESTAD – Segun Stichting Arubaanse Carnaval, ta un solo permiso tin y no dos, contrario na loke cu gobierno a declara den fin di siman (wak publicacion riba NoticiaCla.com). Den un comunicado, SAC ta splica nan rasonamento: “Con SAC por haña esun pa apertura y no e clausura? Splikami”, e presidente di SAC, Tecla Kelly ta puntra. Manera NoticiaCla.com a indica caba, SAC a entrega su peticion, y a ricibi esaki tambe firma.

Loke cu SAC a splica mas aleu, ta pakico esaki a wordo teni na Santa Cruz y no otro caminda. “Pasobra ta Santa Cruz ta na beurt pa e apertura. E ultimo biaha cu Sta Cruz a hanje ta 8 aña pasa” nan ta splica. Mes momento nan ta lamenta cu tabatin un discusion asina fuerte riba e hecho cu polis a duna un permiso. “SAC ta lamenta cu Korps chef ta wordo ataca di e manera baho ey, ta cos cu nunca antes a pasa den Carnaval. SAC tin un bon relacion pa añas cu Cuerpo Policial y SAC no ta di acuerdo cu awe KPA tin cu ser ataca”. (Lesa e comunicado completo aki)