Inspectie Volksgezondheid Aruba ta introduci ‘klachtenregeling’ obligatorio

ORANJESTAD - Inspectie Volksgezondheid Aruba ta introduci ‘klachtenregeling’ obligatorio. Asina ministerio di salud a informa. "Antes un pashent no por a vocifera facilmente cerca un dunado di cuido su malcontento pa un servicio cu el a ricibi. Hasta si e por a entrega e keho, e dunado di cuido no tabata tin niun obligacion pa resolve esaki", minister di salud Dangui Oduber a bisa.  mandatario a cuminsa ta bisa.   Oduber ta sigui splica cu desde 1 di januari 2019 esaki a cambia ya cu e ley di 'Calidad di Cuido' ta obliga tur dunado di  cuido pa tin un maneho di keho. E maneho aki ta wordo controla y supervisa pa Inspectie Volksgezondheid Aruba (IVA) y den caso cu no ta cumpli segun ley, IVA lo duna e dunado di cuido un sancion conforme ley. 

Segun Oduber, e idea ta pa di e forma aki e dunado di cuido mes por haya sa kico ta bayendo robes. Door di scucha e pashent, por identifica e problemanan y drechanan. E mandatario ta sostene e cambio aki den ley y ta invita tur persona cu mester di mas informacion pa acudi cerca IVA.