Dos vehiculo a dal den otro na crusada Palm Beach

ORANJESTAD - Un biaha mas na e crusada di Palm Beach ta sosode un accidente entre dos auto pa falta di preferencia. Aki mientras cu chauffeur di un Hyundai Creta tabata riba su caminda di preferencia, chauffeur di un truck di carga a subi su dilanti dal den e suv, cu consecuencia cu e auto a keda basta kibra. Un señora a keda levemente herida, y ambulance a presenta pa atende cu e victima. Polis di trafico tambe tabata presente pa tuma dato.