InterCaribbean den corte awe contra administrador di InselAir

WILLEMSTAD – E CEO di e aerloliña cu ta den proceso (ainda) pa tuma InselAir over, esta  Trevor Sadler di interCaribbean,  ta furioso cu e administrador apunta pa huez Rogier vd Heuvel a confisca parti di e operacion di e aeroliña, den forma di gasoline pa un di e avionan. Asina e matutino di Corsou Antiliaans Dagblad (AD) ta raporta.  AD ta referi na un entrevista cu e tabatin cu Sadler. Segun Sadler, e ta considera esaki un wega sushi (‘dirty game’). E tabata te hasta sorpendi cu AD tabata na altura di e caso sumar cu e aeroliña a cuminsa pa kita e ‘beslaglegging’. 

NO CORECTO

Segun Sadler, loke cu a tuma lugar no ta lo corecto. E caso sumario awe mester a tuma lugar via video conference entre St Maarten y Corsou. “E administrador no tabatin derecho pa haci loke el a haci” Sadler a sigui bisa. “Nos ta sufriendo hopi pa esaki y kier daño y perhuicio pa e daño aki”. E kier men cu otro posibel interesadonan cu lo kier tuma over, tambe lo ‘spanta’ di esaki y posiblemente ‘core bay’. A sigura cu e aeroliña procedente di Turks & Caicos, ta actua den Buena fe y ta honesto. Nan lo tabatin un ‘propaganda’ cla caba pa cuminsa cu e operacion. “Esaki ta un perdida di tempo”. Potret cortesia Aviation Tribune.