Gran parti di Plaza Bolivar a keda cubri cu Venezolanonan na Aruba

ORANJESTAD – Gran parti di e Plaza Bolivar na Oranjestad diaranson anochi a keda cubri pa un grupo di Venezolanonan residencia na Aruba. Esaki den cuadro di e celebracion programa di e fecha 23 di januari cu historicamente tin un nificacion importante na Venezuela. Mundialmente awe Venezolanonan a mustra nan desaprobacion contra e gobierno di presidente Nicolas Maduro, y esaki tambe a sosode pues na Aruba. Pero pa hopi cu NoticiaCla a combersa cu ne, esaki a bira un celebracion pasobra cambionan a cuminsa na Venezuela awe caba. Nan ta referi na e hecho cu e presidente di e Asamblea Nacional Juan Guaido a declara su mes presidente interino di e pais. Inicialmente tabatin un manifestacion cultural programa pa tuma lugar na Paseo Herencia, pero esaki a keda cancela riba peticion di polis. Diaranson anochi, tabatin algun patruya di polis ta observa, pero no tabatin ningun incidente.