Lidernan di fraccion di Aruba a topa cu gobernantenan Hulandes

ORANJESTAD – Lidernan di fraccion den Parlamento hunto cu presidente di Parlamento diamars a topa cu premier Hulandes Rutte y Secretario di Estado Hulandes Knops. Notable ausente tabata lider di fraccion di partido RED, Ricardo Croes. A intercambia di idea riba diferente topico cu nan. For di lider di fraccion di POR Marisol Lopez Tromp, a compronde cu topiconan trata e.o. e situacion pa cu Venezuela, y tambe a hasi pregunta riba e systema democratico na Hulanda y supuesto cambionan den esaki cu a wordu proponi. Tambe a papia riba e rol di IPKO den tema nan manera e geschillenregeling y varios otro topico mas caminda cu ta importante pa tin cooperacion den reino Hulandes.