‘Honor to Connor Steelband Extravaganza’ a tuma lugar diabierna na San Nicolas

Posted on 01/21/2019 5:16 pm AST | Updated on 01/21/2019 5:16 pm AST

SAN NICOLAS - Diabierna anochi Sweet Pan Music Productions a presenta’ Honor to Connor Steelband Extravaganza’ dilanti di Charlie’s Bar na San Nicolas. Un anochi unda a comemora y honra Pionero den musica Steel Pan y Fundador di The Aruba Invaders Steel Orchestra, Sr. Edgar Connor riba su fecha natal 18 di Januari. Si Sr. Edgar Connor tabata na bida, lo ela cumpli 80 aña. Gregory Richardson tabata e MC pa e evento y pa e ultimo parti Ruben Garcia a continua como MC y a presenta su programa ‘Riba Bou’ live via canal 22. E anochi tabata uno sumamento exitoso cu a inicia cu entrada di famia Connor na pia tocando pa mustra e public con antes Sr. Edgar Connor y tur e musiconan di steelband tabata cana den paradanan di carnaval den e solo cayente cu nan Steel Pan rond di nan neck y otro musiconan cu campana y hop den man.  MC Gregory Richardson a conta un poco di e historia di Steel Pan y tambe a declama un poesia dedica na Sr. Edgar Connor.  E studiantenan di Aruba Panman Foundation cu ta haya les na Skol di Arte a subi escenario pa prome biaha y a duna un bunita presentacion. DJ Caleto a presenta su mix di musica di Steel Pan di antes. Marver Guedez a bin cu un seleccion di musica moderno alegre riba Steel Pan den combinacion cu e backing tracks.  Tabata tin presentacion di The Boyz Pan Experience y tambe di Quiver Quips Steel Orchestra cu porcierto a reuni despues di hopi aña pa e anochi special aki. A canta Happy Birthday, a corta bolo y a parti cupcakes den publico. Y ta na e momento aki cu Sra. Gloria Thomas Connor a subi scenario ta baila y a toca e hop un rato, y hunto cu su sobrina Sra. Diana Clark cu tambe a hasi aña a corta e bolo. Sra. Gloria a haya e prome pida bolo cu ela share cu su yuinan Nico y Lee ariba escenario.  MC Ruben Garcia a presenta su programa ‘Riba Bou’ live via canal 22 y a presenta e ultimo banda pa e anochi, The Invaders cu a wordo compaña pa un Carnival Costume Show presenta pa Carnaruba y tambe pa e cantante Might Rusty cu a presenta algun hits di añanan anterior incluyendo un cancion dedica na Sr. Edgar Connor, ’Mr. Man’ (on he first pan) composita pa Antoni Gario 25 aña pasa.  Minister di Cultura Sra. Xiomara Maduro tambe tabata presente y a duna un bunita speech. E anochi tabata tin su sorpresa cu ne, unda a presenta e T-shirt pa 18 di maart dia di Aruba pa Marietje Printing. Marietje a keda encanta cu e diseño di e poster di evento cu ta un Steel Pan cu Sr. Edgar Connor a regala Sr. Charles Brouns Sr. y pinta pa Charles Brouns Jr. Y asina a pidi e rumanan Connor pa uza e diseño di Steel Pan cu un adaptacion cu e bandera di Aruba su tras pa presenta esaki como e logo official pa e T-shirt di 18 di maart dia di Aruba y Brinda honor na Sr. Edgar Connor cu a contribui enormemente na nos carnaval, na nos cultura. Marietje Printing a regala famia Connor un canvas cu e logo official. Famia Connor a ricibi nan regaldo di Minister Xiomara Maduro y MC Ruben Garcia y a keda sumamente contento y orguyoso di mira e Steel Pan como e logo official pa e T-shirt di 18 di Maart dia di Aruba.

  • Concurso di pintamento pa muchanan di scol basico cu tema‘Stima bo cacho’

    Concurso di pintamento pa muchanan di scol basico cu tema‘Stima bo cacho’

    ORANJESTAD – E comision di e plan nacional recien instala, cu e meta pa atende cu e problema di cacho na Aruba, ta actualmente den fase inicial di preparacion y ta lansa, danki na idea di Sr. Rodney Solognier (KPA), un concurso di pintamento “back-to-school” cu tema “stima bo cacho”. E muchanan di scol basico por participa den e concurso y asina haya sa mas di Aruba su ‘Ley di Cacho’. Educando nos muchanan ta crea un base amplio solido di doño, cu ta cuida nan mascotanan di forma responsabel. Alabes ta stimula e adultonan pa forma parti di e educacion di e forma aki, ora nan yuda splica e mucha algun punto basico di e ‘Ley di Cacho’. 

  • Rotary Club Aruba a ricibi bishita di District Governor Trevor Blake

    Rotary Club Aruba a ricibi bishita di District Governor Trevor Blake

    ORANJESTAD - Dialuna mainta a cuminsa e bishita oficial di District Governor Trevor Blake na Aruba. Trevor ta di e isla St. Kitts and Nevis y ta e Governor di e Districto 7030 di Rotary International pa e aña aki. Aruba y e ‘hermana’ islanan Corsou y Boneiro ta forma parti di e Districto aki desde 1 di januari 2017. Tur aña e District Governor ta bishita tur e islanan den su districto, unda tin un Rotary Club pa asina conoce e miembronan di e club, e comunidad y e proyectonan cu ta ehecuta door di e Rotary Club local. E District Governor tabata compaña pa e Assistant District Governor Rita Merkies di Rotary Club Willemstad. Rita ta fungi como e “link” entre e islanan ABC y e districto 7030 di Rotary International. 

  • Kiwanis Club of Palm Beach cu actividad pa promove ‘childseat’ den trafico

    Kiwanis Club of Palm Beach cu actividad pa promove ‘childseat’ den trafico

    ORANJESTAD  – Kiwanis Club of Palm Beach ta anuncia cu riba diasabra 24 di augustus lo tin un actividad pa promove e uzo di ‘childseat’ den trafico na Aruba. Un ‘childseat’ ta un asiento di auto pa baby of mucha chikito, cu ta protega e mucha den caso di accident den trafico.

  • Maria College Mavo a tene yen di actividad pa habri aña escolar nobo

    Maria College Mavo a tene yen di actividad pa habri aña escolar nobo

    ORANJESTAD - Riba 16 di augustus 2019 Maria College MAVO a habri e aña escolar 2019-2020 cu diferente actividad pa su alumnonan. E actividadnan aki ta encera conoce bo mes, conoce bo mentor y bo compañeronan di klas den un forma activo y recreativo. 

  • Xiomara Bergen a gana campaña di NoticiaCla pa bay CNSJ 2019

    Xiomara Bergen a gana campaña di NoticiaCla pa bay CNSJ 2019

    ORANJESTAD - Despues di 6 siman di campaña di celebracion di prome lustro di NoticiaCla.com, Xiomara Bergen a bira e ganador di e campaña fabuloso cu e premio grandi cu ta hiba Xiomara y un persona mas pa Corsou otro siman pa goza di e fin di siman di Curacao North Sea Jazz 2019. Danki na partnernan di Noticiacla.com, esta Aruba Airlines, Acoya Resorts y Oficina di turismo di Corsou, cu Xiomara  ta por disfruta di un fin di siman tremendo, experenciando e di 9 edicion di e festival. Xiomara a conta nos cu e tabatin echt hopi gana di bay, pero otro compromisonan financiero a pone cu e no por a bay. Pero cu e premio aki, plannan a cambia rapidamente. Pa e por a gana, e mester a participa, door di like e Facebook Page di NoticiaCla y download e app. Pabien Xiomara Bergen!! Y danki pa a pone confiansa den Noticiacla.com. Keda pendiente pa mas premio prome cu fin di aña ainda!. 

  • Diadomingo a tene e di di tres edicion di ‘Honor to Connor Steelband Celebration’

    Diadomingo a tene e di di tres edicion di ‘Honor to Connor Steelband Celebration’

    ORANJESTAD – E celebracion aki tabata un anochi di homenahe na e Legendario Sr. Edgar Connor (d.f.m.) cu ta pionero, legendario den musica Steelpan fundador di e famoso ‘Aruba Invaders Steel Orchestra’. E conocido Melvin Garcia a fungi como animado y Maestro di Ceremonia. E studiantenan di ‘Aruba Panman Foundation’ bou direccion di Angel Hazel y Lee Connor, a habri e anochi musical cu e ‘stage fear’ domina, unda nan a haci nan presentacion y laga e publico disfruta di nan entusiasmo, cu nan tin pa nan instrumento di steelpans. A sigui Touch of Steel, Nico Connor acompaña pa Ivan Quandus y Michael Odor hunto cu ‘NLG Dancers’. E anochi a continua cu presentacion di ‘Quiver Quips Steel Orchestra’ y na final ‘The Aruba Invaders’ bou direccion di e rumannan Nico y Lee Connor, acompaña pa ‘Carnaruba’ cu nan trahenan mahestouso di Carnaval. 

  • Powered by SETAR