KVK a introduci directiva nobo durante New Year’s Celebration 2019

Posted on 01/21/2019 5:09 pm AST | Updated on 01/21/2019 5:10 pm AST

ORANJESTAD – Camara di Comercio y Industria Aruba (KvK) a organisa su tradicional “New Year’s Celebration”. Esaki ta tambe e prome di hopi mas evento cu KvK tin planea pa organisa durante 2019. E evento aki ta pa yama un bonbini na un aña nobo den compania di e miembronan di directiva di KvK. Un invitacion a wordo extendi den nomber di e directiva di KvK na diferente stakeholders y socionan comercial tanto den sector publico como sector priva pa nan ta presente na e evento social aki.

Den un ambiente hopi ameno y bon acompaña pa musica di steelband, e invitadonan por a disfruta di e oportunidad den auditorio y balcon di KvK pa encontra otro y elabora riba diferente desaroyonan y e bon intencionnan pa e aña nobo. E presidente di directiva, sr. Kawish Misier, a hiba palabra di bon bini na e invitadonan. Sr. Misier a splica kico e deseonan di e directiva ta. Directiva di KvK kier sigui traha na bienestar di comercio di Aruba y mantene un bon contacto entre sector publico y sector priva. E la indica tambe riba desaroyonan riba tereno di financiamento di negoshi cu ta wordo formalisa pa yuda negoshinan nobo y cu kier crece.Tambe e la splica riba e ultimo desaroyonan di KvK caminda cu a duna un splicacion breve di e intencion di KvK y e digitalisacion di su servicionan. Sr. Misier a introduci e miembronan di directiva dunando un descripcion breve di nan expertisio y rol den e directiva. Siguientemente a bisa un danki na e team dinamico di KvK y a culmina dunando tur esnan presente e libertad di combersa cu otro y disfruta di e bon ambiente cu bebida y aperitivos.

DIRECTIVA NOBO

E directiva nobo ta conoce un cara nobo den persona di sra. Monica Kock. Sr. Kawish Misier a wordo elegi unanimamente door di e directiva como Presidente di Directiva y sr. Satish Daryanani como Vice Presidente. E demas miembronan di directiva ta sra. Wanda Broeksema, sra. Alexlindy Croes, sr. Omar Tromp, sr. Lionel de Cuba, sr. August Croes y sr. Randall Croes. 

  • Edificio nobo di utilidad na aeropuerto a yega su punto mas halto

    Edificio nobo di utilidad na aeropuerto a yega su punto mas halto

    ORANJESTAD – E edificio nobo di utilidad na aeropuerto a yega su punto mas halto y a celebra esaki cu e acostumbrado spantenbier diabierna ultimo. E minister encarga cu aeropuerto Dangui Oduber tabata presente pa e evento, y hunto cu e director saliente di aeropuerto James Fazio, a atende esaki cu invitadonan. E edificio ta parti di e proyecto miyonario di expansion di e aeropuerto, esta Gateway 2030. E ta un inversion di 500 miyon florin cu mester keda completa dentro di 5 aña. 

  • Aruba Airlines a inaugura su buelo pa Riohacha diabierna

    Aruba Airlines a inaugura su buelo pa Riohacha diabierna

    ORANJESTAD – Despues cu a haci estudionan necesario, Aruba Airlines a ‘inaugura’ su buelo pa Riohacha Colombia diabierna mainta, cu un grupo di prensa y algun pasahero. Segun operations manager Frank Arends, esaki ta bira un di e tres destinacionan cu Aruba Airlines kier bula pa Colombia. Fuera di Riohacha, tin pensa tambe pa bula Medellin y Baranquilla. A cuminsa cu Riohacha pasobra e ekipo (avion) ta cla y por a cuminsa mesora. E ta un ruta popular, conoci pa otro aeroliñanan manera Tiara Air cu a bula e ruta aki exitosamente pa 5 aña largo. E ta un destinacion cu ta conecta famia cu otro, comercialmente tambe y ta uno basta barata. Ta usando e avion tipo CRJ 200, cu 50 pasahero, y tin pensa di usa e mesun tipo di avion aki pa e otro destinacionan den Colombia. 

  • SADA: Gobierno a confirma cu tin placa aloca pa douaneronan

    SADA: Gobierno a confirma cu tin placa aloca pa douaneronan

    ORANJESTAD – Gobierno a confirma na sindicato di douanero (SADA) diabierna mainta, cu tin fondo aloca pa paga e asunto di structura di salario. Asina presidente di e sindicato, Eduard Maduro, a bisa Noticiacla.com diabierna atardi. Diabierna mainta e sindicato a reuni cu e trahadonan durante ora di trabou, como un tipo di accion. Esaki a haya atencion di e minister cu a reuni cu nan mesora y awor parce cu nan a sali for di e reunion den un forma positivo. 

  • KVK: Reunion cu Minister di Finanza riba reforma fiscal tabata fructifero

    KVK: Reunion cu Minister di Finanza riba reforma fiscal tabata fructifero

    ORANJESTAD – E reunion cu Minister di Finanza, Xiomara Maduro, diahuebs ultimo (22 di augustus 2019) riba reforma fiscal tabata fructifero. Asina e gremio comercial a bisa den un comunicado diabierna. Segun e gremio, e reunion tabata uno positivo, caminda tanto KvK como e Minister a discuti abiertamente riba e punto di impuesto, en particular e importancia pa laga BBO riba recibo y e consecuencianan cu esaki ta bin cu ne.

  • KvK a alerta minister di competencia inhusto di cierto distribuidor y comerciante

    KvK a alerta minister di competencia inhusto di cierto distribuidor y comerciante

    ORANJESTAD – Durante e reunion cu Camara di Comercio tabatin cu minister di Finanza Xiomara Maduro e siman aki, a probecha pa alerta e Minister riba e situacion di competencia inhusto di cierto distribuidor y comerciante den tienda ta confronta cu ne diariamente. Tin comerciante preocupa, cu tin negoshi ilegal, cu diariamente ta importa e productonan y ta capaz di pone prijs mas abou, pasobra nan no ta cumpli cu e rekisitonan, pa haci negoshi manera; registra e negoshi y paga impuesto. KvK ta sostene e empresarionan y hopi di nan ta kere den competencia, pasobra esaki ta hisa e calidad di e producto y servicio y di nan benta ta cumpli cu impuesto y e beneficionan social di empleado. Pero e comerciantenan ta haya cu esaki mester keda den un forma husto, caminda ta reina un ‘level playing field’. Un comerciante, cu ta cumpli cu ley, no por competi contra e negoshinan ilegal, cu no ta cumpli cu leynan di impuesto. Esaki ta resulta cu e gastonan pa mantene un negoshi ta mucho halto, anto KvK tin diferente opcion con pa combati esaki.

  • Presupuesto 2020 no ta keda cla pa entrega dia 1 di september awor

    Presupuesto 2020 no ta keda cla pa entrega dia 1 di september awor

    ORANJESTAD – Presupuesto 2020 lo no keda cla pa entrega dia 1 di september 2019 manera ley di comptabilidad ta prescribi. Prome Minister, Evelyn Wever, a confirma esaki diahuebs pa noticiacla.com. Di otro banda, Wever a bisa si, cu lo entrega algo pa e fecha ey, un idea di con e presupuesto lo ta. “Nos ta na e ultimo fase di prepara e begroting 2020. Nos no a cera e begroting ainda” Wever a bisa. Loke e kiermen cu esey, ta, pues yega na e surplus di 25 miyon cu tin cu yega otro aña conforme e normanan stipula cu CAFT. “Mi no ta kere nos ta cla 1 di september, pero dia 1 di september nos lo tin algo si pa entrega y mustra ki direccion nos ta bayendo”. 

  • Powered by SETAR