DIMP: Tin proceso pa esnan cu tin plachi di number di auto personalisa

DIMP: Tin proceso pa esnan cu tin plachi di number di auto personalisa

Posted on 01/20/2019 9:41 pm AST | Updated on 01/20/2019 9:42 pm AST

ORANJESTAD – Mientras cu e clientenan di DIMP cu tin plachi di number di auto no personalisa, a cuminsa busca di nan caba, pa e clientenan cu mester busca nan plachinan personalisa (naamplaat) tin e siguiente procedura. Asina e oficina di impuesto a informa diadomingo anochi.

PROCEDURA

1. Despues cu haci pago di impuesto na Camacuri e cahero ta duna un carta di instruccion pa entrega na e empresa cu ta traha e plachinan.

2. Si a haci e pago di impuesto online, por acudi na balie di recepcion na Camacuri cu e recibo y comprobante di seguro pa haya e carta di instruccion manera menciona ariba.

3. Esnan cu a paga na un oficina den districto por haya e carta di instruccion for di e cahero of por acudi na Camacuri na nos balie di recepcion hunto cu e recibo y papel di seguro.

4. Cu e carta firma ta acudi na e empresa cu ta traha e plachinan y ta paga Afl. 20 pa laga traha e plachinan.

Lo avisa e cliente asina cu e plachinan ta cla pa busca.

E clientenan cu ya a paga e impuesto y Afl 20 por pasa libremente cerca nos entrante diaranson 23 di januari 2019 pa busca e plachinan.

  • Powered by SETAR