ORANJESTAD – Gerencia di Seroe Blanco Service Station, miho conoci como Citgo-Seroe Blanco, a tuma nota di un video cu ta wordo comparti riba Facebook relationa cu e accidente di diasabra ultimo ala película. Nos a haña asina hopi reaccion y pregunta riba esaki y cu merece aclaracion.
Según e comunicado di e station, e meneer envolvi ta bisa den un video cu a ser comparti riba facebook cu ta pa motibo cu lo a pone warda hopi pa servicio na e pump cu lo ele a rabia y take off cu consecuencia ja bon documenta.
E station ta sigui bisa cu na di prome luga, un persona no ta pone su bida y di otro na peliger pa e simple motibo cu lo a pone su persona warda pa servicio. “Ta unda nos ta bai si tur hende dicidi di pensa asina. Na di dos luga, locual cu ta ser bisa no ta cuadra cu e realidad tampoco. Camara di e station di gasolina a capta henter e sucedido”. Algo otro a pasa y mester saca afo precies kiko. E video ta mustra claramente cu e meneer no a ni para drechi na e pump cu ele a take off. De proceso el a a hera dal un cliente riba parking lot y pa chiripa no a dal den otro dos auto abow riba caminda.
“ Nos ta spera di e forma aki pone fin na un storia falso y tur e pregunta haci na nos empleadonan, mientras cu nos ta sumamente agradecido cu no ta tin bida perdi of mas daño ocasiona. Gerencia di Seroe Blanco Service Station” e comunicado ta finalisa bisando.
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.