Pa falta di denuncia, homber ta recobra libertad despues di causa destruccion

NOORD - Un homber cu a causa destruccion awe marduga na un cas na Noord, ta den libertad atrobe.Segun vocero suplente di polis Lilana Rasmijn, tabata awemarduga cu polis di districto di Noord a bai na un percela den e bario menciona. Pa 03:25 marduga a detene e homber cu fam R.M. pa destruccion. Despues el a wordo transporta pa Warda di Polis Noord na unda ela presenta dilanti un Fiscal auxiliar. Pa mas o menos 10 or di mainta e otro persona envolvi den e caso aki ta pone autoridad na altura cu e no ta desea pa duna un keho. Consecuentemente pa 12:45 pm despues di 6ora di interogacion conforme nos codigo penal y strafvordering e sospechoso a wordo laga den libertad. Te cu awor aki niun keho a wordo entrega.