OM: Dialuna ta formula castigonan pa caso Ibis enbez di awe

ORANJESTAD – Contrario na e palabracion anterior, fiscal no ta presenta e demanda mas den caso Ibis diabierna. Esaki debi cu pa motibo di e largura di e rekisitorio, no a resta tempo pa keda cla cu esaki diabierna mas. De hecho, a programa awor pa dialuna sigui cu e rekisitorio. No obstante esey, segun e rekisitorio, ta mustra cu si ta pa ministerio publico, por conta cu un castigo di por lo menos mas cu 3 aña di prison pa ex minister Croes. Ta usa e comparacion cu e caso di ex premier di Corsou Gerrit Schotte, cu a haya 3 aña di prison. Den e caso di Croes sinembargo, ta considera cu esaki ta mucho mas pio y como tal por conta cu un castigo di prison hopi mas grandi. Con hopi mas, no ta conoci, pero si sigur mas cu 3 aña di castigo di prison. “Den caso di Croes nos ta bin cu un casgtigo mas halto y un medida mas amplio (compara cu Schotte, cu a wordo prohibi alabez di no por ta eligible politicamente pa 5 aña.