Direccion di trafico ta cambia banda di Sun Plaza: Italiestraat pa LG. Smith Blvd

ORANJESTAD - Departamento di Obra Publico (DOW) ta informa pueblo di Aruba en general y specialmente e automobilistanan cu ta haci uzo di e caminda  Italiestraat pa L.G. Smith Blvd via Caya di Pos (e caminda pabao di Sun Plaza),  cu no por bira mas na man robes bay LG Smith Blvd ya cu e caminda aki a bira di un solo direccion; solamente pa trafico saliendo di LG Smith Blvd.

Trafico pues for di Italiestraat direccion L.G. Smith Blvd mester bira na Visser Trading via Engelandstraat, Frankrijkstraat pa sali den Schotlandstraat y sigui pa bushiri y vecindario. Ta pidi tur automobilista pa tene cuenta di e desviacion importante aki y haci caso di e borchinan di trafico.